کابول؛ تەقینەوە لە مزگەوتێکدا رویدا، 62 کەس گیانیان لەدەستدا

- 10/18/2019 11:07:00 PM 1204 جار خوێندراوەتەوە

خەندان-

تەقینەوە لە یەکێک لە مزگەوتەکانی رۆژهەڵاتی کابولی پایتەختی ئەفغانستان رویدا، بەهۆیەوە 62 کەس گیانیان لەدەستدا.

ئەتەهولا خۆگیانی، وتەبێژی پارێزگای کابوڵ بە دەزگاکانی راگەیاندنی وت" تەقینەوەکە لەناو هۆڵی مزگەوتەکەدا رویداوە، سەرجەم قوربانیەکانیش منداڵ و پیاو بون".

ئاماژە بەوەشدراوە، بەهۆی بەهێزی تەقینەوەکەوە، سەقفی مزگەوتەکە روخاوە بەسەر ئامادەبوانی ناو مزگەوتەکەدا، کە بۆ بەجێهێنانی نوێژی هەینی لەوێ ئامادەبون، ژمارەیەکی زۆری قوربانیانیش بەهۆی داڕمانی سەقفەکەوە بوە بەسەریاندا.

ژمارەی قوربانیانی تەقینەوەکەی ئەمرۆ، تۆمارێکی نوێی گیانیان لەدەستدانی لەو وڵاتەدا  لە ماوەی یەک مانگدا تۆمار کرد، بەوپێیەی لە مانگی رابردودا تێكرای گیان لەدەستدان بەهۆی هێرش و تەقینەوەکانەوە  کەمتر بون لە 60 کەس.


Copyright © 2016 Xendan.org all rights reserved

designed and developed by AVESTA GROUP