بەپەلە

لە ئێران زیاترلە 74 کەس بەهۆى خۆپیشاندان دژى لەشکرکێشیەکەى تورکیا دەستگیر دەکرێن

- 10/18/2019 12:17:00 AM 894 جار خوێندراوەتەوە

خەندان-

لە 21 شارى وڵاتى ئێراندا زیاتر لە 74 کەس بەهۆى خۆپیشاندان دژى لەشکرکێشیەکەى تورکیا بۆ سەر رۆژئاڤا دەستگیر دەکرێن.

رێکخراوى هەنگاو بۆ مافەکانى مرۆڤ رایگەیاند،" لە سێ رۆژی رابردو لە 21 شاری ئێران خەڵک بە مەبەستی شەرمەزارکردنی هێرشی تورکیا بۆ سەر خاک رۆژئاڤای کوردستان هاتنە سەر شەقام و هێز وناوەندە ئەمنیەکان دەستیان کردوە بە گرتن و لێپرسینەوەى هاوڵاتیان".

راشیگەیاندوە،"دوای دەستبەسەر کردنى چەند کەسی دیکە هەتاکو ئێستا ناسنامەی 74 کەس لەو دەستبەسەر کراوانە بۆ هەنگاو ئاشکرا بوە کە بە شێوەی خوارەوەیە".

تاران 23 کەس، پاوە 10 کەس، مەریوان 8 کەس، ئورمیە 7 کەس، جوانڕۆ 6 کەس، سنە 5 کەس، بانە 2 کەس، پیرانشار 1 کەس،روانسەر 1 کەس، ئیلام 1 کەس، کرماشان 1 کەس، بۆکان 1 کەس، نەغەدە 1 کەس، دیواندەرە 1 کەس.
راشیگەیاندوە،"لەماوەی حەفتەی رابردودا لانیکەم 300 هاوڵاتیی کورد بانگهێشتی ناوەندە ئەمنییەکان کراون و لێپرسینەوەیان لەگەڵ کراوە.

ئاماژەى بەوەشداوە، بە پشتبەستن بەو گرتە ڤیدۆییانەی کە رێکخراوەکە  گەیشتوە ، لەماوەی دو رۆژی رابردودا لە 21 شاری ئیلام، ئەیوان، شائاباد، کرماشان، جوانڕۆ، ۆاوە، سنە، دیواندەرە، سەقز، سەردەشت، مەهاباد، شنۆ، ئورمیە، بۆکان ، قوتوور،دێولان، پیرانشر، سەلاسی باوەجانی ، روانسەر و مەریوان  خەڵک بە هاتنە سەر شەقام هێرشی تورکیایان بۆ سەر رۆژئاڤای کوردستانیان شەرەمزار کرد.


Copyright © 2016 Xendan.org all rights reserved

designed and developed by AVESTA GROUP