بەپەلە

ترەمپ: كوردەكان كەسانی زۆر باشن و رۆژێكی گەورەیە بۆ كوردەكان

- 10/17/2019 9:22:00 PM 26828 جار خوێندراوەتەوە

خەندان-

ئەمشەو بەكاتی هەرێمی كوردستان، لە ولایەتەی تەكساسی ئەمریكاوە ترەمپ رایگەیاند،"كوردەكان كەسانی زۆر باشن و رۆژێكی گەورەیە بۆ كوردەكان".

لە پەیامێكدا دۆنالد ترەمپ، سەرۆكی ئەمریكا لەبارەی رێكەوتنی توركیا و ئەمریكا وتی،"بەڕاستی رۆژێكی گەورەیە بۆ ولایە یەكگرتوەكانی ئەمریكا و توركیا و هاوبەشەكانمان، بەراستی پێموانەبو بەو خێراییە رێك بكەوین و هەست بە خۆشحاڵی دەكەین و بەردەوام دەبین لەسەر كارەكەمان".

 دۆنالد ترەمپ وتیشی،"پرسیاریان لە هەندێك كەس دەكرد، بەڕاستی رۆژێكی گەورەیە بۆ كوردەكان و رۆژێكی گەورەیە بۆ شارستانیە، چیدیكە سزاكان پێویست نین، ئیتر پێویست نییە كۆنگرێس سزاكان جێبەجێ بكات، من ئامادەییم  دەربڕیبو كە سزای نوێ بەسەر توركیادا بسەپێنم، ئەردۆغان هاوڕێیەكی نزیكی منە، ئەو كەسێكی رەقە، بەڵام لەهەمان كاتدا ئەو كارەی كرد كە دەبو بیكردایە".

ئاماژەی بەوەشكرد،"توركیا سوپایەكی گەورەی هەیە، ئەندامێكی ناتۆیە، ئەوەی توركیا دەستی دەكەوێت كە خەڵكی ناكوژێت، بەڵام ملیۆنەها خەڵكیش لەبەرامبەر توركیا ناوەستن، چیدیكە شەڕ بەردەوام نابێت، هەربۆیە گروپی جیاواز شەڕ ناكەن، من نامەوێت چیدیكە لەو شەڕەدا بەشداربم، بەڵام لەهەمانكاتدا كاری خۆمان دەكەین، ئێمە ماوەی 10 ساڵە لەو ناوچەیەین، ماوەیەكی زۆرە لە رۆژهەڵاتی ناوەڕاستین، ئێستا قۆناغەكە گۆڕاوە، ئەوان ئەو كارەیان كرد كە دەبو بیانكردایە".

سەرۆكی ئەمریكا وتیشی،"ئەگەر دەرفەت بدەیت بەوەی كە ئەم شەڕە بەردەوام بێت ئەو كاتە خەڵكێكی زۆر دەكوژرێن، سەرۆك ئۆباما نەیتوانی رەوشەكە كۆنتڕۆڵ بكات بۆیە خەڵكێكی زۆر زۆر كوژرا، چیتر پێویست بە تۆپەكان ناكات پێویست بە شەڕ ناكات پێویست بە چەكەكان ناكات، زەمینەیەكی باشمان رەخساندوە بۆ ئەوەی بتوانین بگەینە رێككەوتنێك ئەمە هەنگاوێكی گەورەیە، ئێمە كارێكی باشمان كرد، دەبێت هەمو لایەك كاری جددی بكات، بۆ ماوەی 15 ساڵە، هێزە جیاوازەكان كاریان دەكرد بۆ ئەوەی شەڕەكە رابگرن، بەڵام نەیانتوانی هیچ بكەن، نەك تەنها نەیانتوانی و سزاكان كاریگەرییان نەبو، بەڵكو شەڕ دوای شەڕ هات"

دۆنالد ترەمپ وتیشی،"ئێستا بارودۆخەكە جیاوازە، كوردەكان ئێستا زۆر باشتر دەزانن كە دەبێت چی بكەن، توركەكان زۆر باش دەزانن دەبێت چی بكەن، سێ رۆژ پێش ئێستا كوردەكان و توركەكان ئامادە نەبون ئەمەی ئەمڕۆ بكەن، بۆیە دۆخەكە گۆڕاوە، هەموان خۆشحاڵن، بەڕاستی ئەم رێكەوتنە لە بەرژەوەندی هەمولایەكدایە".

لەوەڵامی پرسیاری رۆژنامەنوسێكدا وتی،"دەبێت چارەسەرێك هەبێت كە پشت بە مەرجەكان نەبەستێت، ئێمە لەماوەی 15 ساڵی رابردودا نەمانتوانیوە كێشەكە چارەسەربكەین، بەڵام ئێستا دۆخەكە گۆڕاوە".

وتیشی،"ئەنجامی رێككەوتنەكە رونە، رۆژێكی گەورەیە بۆ كوردەكان و بۆ توركەكان، من لەرۆژانی رابردودا بێتاقەت بوم، بەڵام ئێستا زۆر خۆشحاڵم، من كەسێك دەبم كە ئامادەی كاری باش دەبم، ئەردۆغان هەندێ جار بڕیاری زۆر باشی داوە، ئەمڕۆ بڕیارێكی باشی دا، خەڵكی توركیا بەخت یاوەریەتی، ئێستا دەبینن جارێكی دیكە سەرنجەكان دەخرێنەوە سەر داعش، دەزانن كە ژمارەیەكی زۆر لە چەكداران و خانەوادەی داعش كە دەستگیركراون لە دەرەوەی ئەو ناوچە ئارامەدان، ئێمە هانی كوردەكان دەدەین كە بیانپارێزن و ئێمەش پاڵپشتیان دەكەین، ئێمە زۆر خۆشحاڵین".









Copyright © 2016 Xendan.org all rights reserved

designed and developed by AVESTA GROUP