شاندی سەرۆکایەتی ئەمریکا گەیشتە تورکیا

- 10/17/2019 3:31:00 PM 2201 جار خوێندراوەتەوە

خەندان -             

ئەمڕۆ شاندی ئەمریکا بەسەرۆکایەتی مایک بنس، جێگیری سەرۆکی ئەمریکا گەیشتنە ئەنقەرە بۆهەوڵدان بۆ بەدەستهێنانی رەزامەندی تورکیا بۆ وەستاندنی ئەو ئۆپپەراسیۆنە سەربازییەی کە لەڕۆژئاڤای کوردستان ئەنجامدەدرێت.

بەپێی ئاژانسی هەواڵی رۆیتەرز، ئەمڕۆ پێنجشەممە ئەمڕۆ شاندی ئەمریکا بەسەرۆکایەتی مایک بنس، جێگیری سەرۆکی ئەمریکا گەیشتنە ئەنقەرە بۆ بەدەستهێنانی رەزامەندی تورکیا سەبارەت بە وەستاندنی هێرشەکەی رۆژئاڤای کوردستان.

لەماوەی رابردودا مایک پۆمپیۆ، وەزیری دەرەوەی ئەمریکا گەیشتە پایتەختی تورکیا، بڕیاریشوایە لەچەند کاتژمێری داهاتودا چاوی بە رەجەب تەیب ئەردۆغان بکەوێت .

پێشتر بەرپرسە باڵاکانی ئەمریکا ئاماژەیان بەوەکردبو دۆناڵد ترەمپ، سەرۆکی ویلایەتە یەکگرتوەکانی ئەمریکا، لەمیانەی پەیوەندیە تەلەفۆنیەکەیدا داوای وەستاندنی ئۆپەراسیۆنە سەربازیەکەی سەر رۆژئاڤای کوردستان لە ئەردۆغانکردوە، بەڵام ناوبراو ئەو داواکارییەی رەت کردوەتەوە.
پۆمپیۆ چاوی بەمەولود چاوش ئۆغلۆ، وەزیری دەرەوەی تورکیا بکەوێت

هەروەها بڕیاروایە  پۆمپیۆ چاوی بەمەولود چاوش ئۆغلۆ، وەزیری دەرەوەی تورکیا بکەوێت بۆ تاوتۆیکردنی رەوشی ئێستای رۆژئاڤا و هەوڵدان بۆ بەدەستهێنانی رەزامەندی تورکیا بۆ وەستاندنی لەشکرکێشیەکەی کە لەو ناوچەیە ئەنجامیداوە.

ئەمە لەکاتێکدایە دوێنێ چوارشەممە سەرۆک کۆماری تورکیا رایگەیاند، لەگەڵ مایک پێنس، جێگری سەرۆک و مایک پۆمپیۆ وەزیری دەرەوەی ئەمریکادا کۆنابێتەوە، کە بڕیارە سبەی سەردانی تورکیا بکەن، بەڵام لەپاشاندا پاشگەزبونەوەی خۆی لەو لێدوانە راگەیاند.

نیشانەکردن :

#ئه‌مریكا

Copyright © 2016 Xendan.org all rights reserved

designed and developed by AVESTA GROUP