بەپەلە

ئەردۆغان و پوتن لەوبارەیەوە کۆدەبنەوە
کرملین: روسیا لە دۆخی مرۆیی لە باکوری سوریا نیگەرانە

- 10/17/2019 2:54:00 PM 1963 جار خوێندراوەتەوە

خەندان-

سەرۆکایەتی روسیا (کرملین) رایگەیاند، ئەوان نیگەرانن لە دۆخی مرۆیی لە باکوری سوریا دوای ئەوە تورکیا دەستیکردوە بە ئۆپەراسیۆنی سەربازی لە ناوچەکەدا.
مۆسکۆ بە تایبەتی لە دۆخی هاوڵاتیانی باکوری سوریا کە بەهۆی هێرشەکانی تورکیاوە ئاوارە بوون نیگەرانە

 

دیمتری بیسكوف، وتەبێژی سەرۆکایەتی روسیا (کرملین) لە راگەیەنراوێکدا رایگەیاند، مۆسکۆ بە تایبەتی لە دۆخی هاوڵاتیانی باکوری سوریا کە بەهۆی هێرشەکانی تورکیاوە ئاوارە بوون نیگەرانە.

باسی لەوەشکردوە، ڤلادیمێر پۆتین و رەجەب تەیب ئەرۆغان رۆژی سێشەممەی داهاتودا لە سۆچی تاوتوێی جوڵەی هێزەکانی تورکیا لە ناو سوریادا دەکەن.
نۆ رۆژە سوپای تورکیا و لەرێگەی هێزی ئاسمانی و وشکانیەوە و بەهاوکاری گروپەکانی ئۆپۆزسیۆنی سوریا هێرشی بۆ سەر هەسەدە لە باکوری سوریا دەستیپێکردوە

 

ئەو هەڵوێستەی تورکیا لە کاتێکدایە ماوەی نۆ رۆژە سوپای تورکیا و لەرێگەی هێزی ئاسمانی و وشکانیەوە و بەهاوکاری گروپەکانی ئۆپۆزسیۆنی سوریا هێرشی بۆ سەر هەسەدە لە باکوری سوریا دەستیپێکردوە.

هێرشەکان کاردانەوەی لێکەوتوەتەوە و وڵاتانی ئەوروپا و کۆمکاری عەرەبی بە فەرمی ئیدانەی هێرشەکانیان کردوە، ئەوە جگەلەوەی هەر پێنج ئەندامە هەمیشەییەکەی ئەنجومەنی ئاسایش داوای راگرتنی هێرشەکانیان کردوە.


Copyright © 2016 Xendan.org all rights reserved

designed and developed by AVESTA GROUP