"پەیجی وەزیری بەرگری تورکیا" کەرکوک، موسل، هەولێر دەخاتە سەر نەخشەی تورکیا و هەرەشەش دەکات

- 10/16/2019 6:05:00 PM 82250 جار خوێندراوەتەوە

خەندان-

لە پەیجێکدا کە بە ناوی خولوسی ئاکار، وەزیری بەرگری تورکیا تۆمار کراوە لە زنجیرە بابەتێکیدا  وەک پاکانەیەک بۆ لەشکرکێشیەکانیان بۆ ناو خاکی سوریا و جموجۆڵی بەردەوامیان لە سەر خالە سنوریەکانی عێراق نەخشەیەکی "نامۆ"ی بڵاوکردوەتە و دەشلێت" چاومان لە خاکی کەس نیە".

لەو بابەتەیدا کە لە تۆڕی کۆمەڵایەتی فەیسبوک بڵاویکردوەتەوە بە هاوپیچ بە نەخشەیەک کە تیایدا دەردەکەوێت، کەرکوک، موسل و هەولێر بە نەخشەی تورکیاوە لکێنراوە، نوسیویەتی" چاومان لە خاکی کەس نیە، بەلام ئەوەی چاو ببرێتە خاکمان چاوی دەردەهێنین".

خولوسی ئاکار، نەخشەیەکی دیکەشی بڵاوکردوەتەوە نوسیویەتی  لە سایەی کۆماری تورکیادا؛ تورکیا، کازاخستان، ئازربایجان، هەنگاریا، ناخچیڤان، پاکستان، کرخزستان، تاجکستان، ئۆزبەکستان و مەغۆلستان دەبنە یەک دەوڵەتی یەکگرتو.

لە بابەتێکی دیکەیدا، نوسراوە" با ئەمریکا بچێتە دەرەوە(لە سوریا)، بۆ ئێمە تاکە رێگەی دەرچون؛ یا عەسری سەعادەتە، یا شەهادەتە".

هەرچەندە رون نیە ئەو پەرەیە، پەڕەی فەرمی ناوبراوە یاخود نا، بەو پێیەی ئاکار هیچ پەڕەیەکی دیکەی فەرمی لە تویتەر و ئینستاگرام نیە، بەڵام بڵاوکردنەوەی ئەو نەخشە نامۆیانە لەلایەن بەکارهێنەرانی تۆڕەکۆمەڵایەتیەکانی تورکیا بەشێوەیکی بەرفراوان بڵاوبوەتوە و دەستخۆشی لێدەکەن.



Copyright © 2016 Xendan.org all rights reserved

designed and developed by AVESTA GROUP