بەپەلە

"تورکیا لە هێرشەکانی بەردوام بێت، سزاکانیش زیاتردەبن"
واشنتۆن: تورکیا بەرپرسیارە بەرامبەر بە پێشێلکاری گروپەچەکدارەکان

- 10/16/2019 8:53:00 AM 8992 جار خوێندراوەتەوە

خەندان-

بەرپرسێکی باڵای ئیدارەی ئەمریکا رایگەیاند، تورکیا بەرامبەر پێشێلکاری گروپەچەکدارەکانی ئۆپۆزسیۆن بەرپرسیارە کە لە باکوری سوریا بەرامبەر خەڵکی مەدەنی ئەنجامی دەدەن، ئاشکراشیدەکات، واشنتۆن لە هەوڵە دیپلۆماسییەکانی بەردەوامە بۆ ئەوەی تورکیا هێرشەکانی بۆ سەر باکوری سوریا رابگرێت و هەڕەشەی سەپاندنی سزای زیاتریشی بەسەر ئەنقەرەدا کردوە.

هێرشەکانی تورکیا پشێوی لە باکوری سوریا دروستکردوە، کە پێشتر تا ئاستێک ئارامی تێدابوە

 

بەرپرسێکی باڵای ئیدارەی دۆناڵد ترەمپ بە ئاژانسی هەواڵی رۆیتەرز-ی راگەیاندوە، هێرشەکانی تورکیا پشێوی لە باکوری سوریا دروستکردوە، کە پێشتر تا ئاستێک ئارامی تێدابوە، لەسەر ئەو پرسەش مایک پێنس لە ماوەی 24 کاتژمێری ئایندەدا سەردانی تورکیا دەکات پەیامی ترەمپ کە بریتییە لەوەی راگرتنی هێرشەکان هۆکارێکی سەرەکی ئاساییبونەوەی پەیوەندییەکانییانە لەگەڵ ئەنقەرە.

واشنتۆن مەبەستییەتی بۆ هەمو پێشڕوەییەکی کۆنتڕۆڵکردنی خاک لەلایەن هێزەکانی تورکیا و هاوپەیمانەکانی لە لایەک و هەسەدەش لە لایەکی دیکەوە بوەسێنرێت

 

ئاماژەی بەوەشکردوە، واشنتۆن مەبەستییەتی بۆ هەمو پێشڕوەییەکی کۆنتڕۆڵکردنی خاک لەلایەن هێزەکانی تورکیا و هاوپەیمانەکانی لە لایەک و هەسەدەش لە لایەکی دیکەوە بوەسێنرێت، ئاشکراشیکردوە هێزەکانی ئەمریکا تەنها لە بنکەیەکی منبج کشاوەنەتەوە کە هێزی چاودێری ئەمریکی-تورکی تێدابووە.

بەرپرسەکەی پنتاگۆن باسی لەوەشکردوە، تا ئێستاش ئاسمانی ناوچەکە (باکور و رۆژهەڵاتی سوریا) لە ژێر کۆنتڕۆڵی هێزی ئاسمانی ئەمریکادایە.

ئەگەر کێشەکە چارەسەر نەبو، سەپاندنی سزای زیاتر تاوتوێ دەکەین کە دواتر ئیدارەی ئەمریکا جۆری سزاکان دیاریدەکات

 

سەبارەتە بە سەردانەکەی جێگری دۆناڵد ترەمپ و ئەگەری راگرتنی هێرشەکان ئەو بەرپرسە دەڵێت، "ئەگەر کێشەکە چارەسەر نەبو، سەپاندنی سزای زیاتر تاوتوێ دەکەین کە دواتر ئیدارەی ئەمریکا جۆری سزاکان دیاریدەکات".

ئەو پێشێلکاریانەی هێزەکانی نزیک لە تورکیا ئەنجامی دەدەن تەنانەت ئەگەر هێزەکانی سوپای تورکیاش نەبن، واشنتۆن بەرپرسیاریەتەییکەی دەخاتە ئەستۆ تورکیا

 

سەبارەتە بە زیندانیانی داعش کە لە ژێر دەستی هەسەدادان ئەو بەرپرسە دەڵیت، بونی ئەو زیندانیانە لە باکوری سوریا کێشەیەکی ئاسایشییە بە لای ئەمریکاوە، سەبارەت بەو تاوانانەش کە گروپە چەکدرەکان لە سوریا ئەنجامی دەدەن ئەو بەپرسە باڵایەی ئیدارەی ئەمریکا وتویەتی، "ئەمریکا وای دەبینێت ئەو پێشێلکاریانەی هێزەکانی نزیک لە تورکیا ئەنجامی دەدەن تەنانەت ئەگەر هێزەکانی سوپای تورکیاش نەبن، واشنتۆن بەرپرسیاریەتەییکەی دەخاتە ئەستۆ تورکیا".



Copyright © 2016 Xendan.org all rights reserved

designed and developed by AVESTA GROUP