هەواڵی ئەمڕۆ

بەپەلە

تەرمی دو کۆچبەری کورد لە فەڕەنسا دۆزرانەوە

- 10/16/2019 8:23:00 AM 6734 جار خوێندراوەتەوە

خەندان-

فیدراسیۆنی سەرانسەری پەنابەرانی عێراق رایگەیاند، تەرمی دو کۆچبەری عێراقی لەلایەن پۆلیسی فەڕەنساوە لە کەنار ئاوی دورگەی لاتوکەی لە خواروی کاڵاس دۆزراونەتەوە و یەکێکیان تەمەن 17 ساڵە ئەوی دیکەیان تەمەن 22 ساڵە.
تەرمی دو کۆچبەری عێراقی لەلایەن پۆلیسی فەڕەنساوە لە کەنار ئاوی دورگەی لاتوکەی لە خواروی کاڵاس دۆزراونەتەوە 

 

فیدراسیۆنی سەرانسەری پەنابەرانی عێراق بە پشتبەستن بە پۆلیسی فەڕەنسا بڵاویکردەوە، دوێنێ تەرمی دو کۆچبەری عێراقی لەلایەن پۆلیسی فەڕەنساوە لە کەنار ئاوی دورگەی لاتوکەی لە خواروی کاڵاس دۆزراونەتەوە و یەکێکیان تەمەن 17 ساڵە ئەوی دیکەیان تەمەن 22 ساڵە.
ئەو دو کۆچبەرەی خنکاون کوردن و کەسوکاری یەکێکیان بە ناوی ئەحمەد حسین بە فیدراسیۆنیان وتوە، ئەحمەد لە یەکی ئەم مانگەوە سلێمانی جێهێشتوە

 

هاژین محەمەد، بەرپرسی ئۆفیسی لقی کوردستانی فیدراسیۆنی سەرانسەری پەنابەرانی عێراقی رایگەیاند، "ئەو دو کۆچبەرەی خنکاون کوردن و کەسوکاری یەکێکیان بە ناوی ئەحمەد حسین بە فیدراسیۆنیان وتوە، ئەحمەد لە یەکی ئەم مانگەوە سلێمانی جێهێشتوە و ماوەی سی مانگە لە کاڵاس لە چاوەڕوانی ئەوە بوە بگاتە وڵاتی بریتانیا".
بەڵینیان پێداوم بمگەیەننە بریتانیا

 

بەپێی وتەی کەسوکاری ئەحمەد لە دوایین پەیوەندیدا کە سێ رۆژە لەمەوبەر لەگەڵ کەسوکاری ئەنجامیداوە وتویەتی، "بەڵینیان پێداوم بمگەیەننە بریتانیا".

فیدراسیۆنی سەرانسەری پەنابەرانی عێراق دەشڵێت، لە ئێستادا هەوڵەکانیان لەگەڵ دەزگا پەیوەندیدارەکان سەبارەت بە چارەنوسی تەرمەکانیان بەردەوامە.
لەماوەی هەشت مانگی رابردودا هەزار و 473 کۆچبەر بەڕێگای ئاوی ویستویانە لە کاڵاسەوە خۆیان بگەیەننە بریتانیا

 

بەپێی ئامارەکان، لەماوەی هەشت مانگی رابردودا هەزار و 473 کۆچبەر بەڕێگای ئاوی ویستویانە لە کاڵاسەوە خۆیان بگەیەننە بریتانیاو لەمانگی هەشتی ئەمساڵیشدا تەرمی دو پەنابەر دۆزرانەتەوە کە یەکێکیان ژنێکی ئێرانی بوە ئەوەی تریان کۆچبەرێکی عێراقی.


Copyright © 2016 Xendan.org all rights reserved

designed and developed by AVESTA GROUP