ئەڵمانیا: ئۆپەراسیۆنە سەربازیەکەی تورکیا هیچ پاساوێکی یاسایی تێدا بەدی ناکرێت

- 10/14/2019 3:17:00 PM 1166 جار خوێندراوەتەوە

خەندان – 
   
وتەبێژی وەزارەتی دەرەوەی ئەڵمانیا رایگەیاند، وڵاتەکەمان هیچ پاساوێکی یاسایی لەو ئۆپەراسیۆنە سەربازیەدا بەدیناکات، کە لەلایەن تورکیاوە بۆ سەر کوردانی رۆژئاڤا ئەنجامدراوە.

بەپێی ئاژانسی رۆیتەرز، ئەمڕۆ دوشەممە وتەبێژی وەزارەتی دەرەوەی ئەڵمانیا رایگەیاند، لەو رەوشەی کە لەئێستادا هەیە ئەڵمانیا ناتوانین لەوە تێبگات،بە چی یاسایەک تورکیا مافی بەخۆیداوە ئۆپەراسیۆنی سەربازی لەدژی کوردانی رۆژئاڤا ئەنجامبدات.

هاوکات ئەوەشی دوپاتکردەوە" سەرەڕای ئەوەی ئەڵمانیا دان بەوەدا دەنێت تورکیا بەرژەوەندی ئاسایشی هاوبەشی لەگەڵ سوریادا هەیە، بەڵام ئەڵمانیا ناتوانێت ئەوە ببینێت چۆن دەکرێت ترکیا لەڕێگەی ئەنجامدانی دەستێوەردانی سەربازی بتوانیت ئاسایشی ناوچەکە سەقامگیربکات؟".

شەوی رابردو ئەنگێلا مێركڵ، راوێژكاری ئەڵمانیا لەگەڵ ئیمانوێل ماكرۆن، سەرۆكی فرەنسا كۆنگرەیەكی رۆژنامەوانی ئەنجامدا و تێیدا رایگەیاند "سەبارەت بە دۆخی رۆژئاڤا هۆشداری داوەتە رەجەب تەییب ئەردۆغان، سەرۆك كۆماری توركیا و داوایلێكردوە دەستبەجێ هێرشەكانی بۆ سەر ئەو ناوچەیە رابگرێت.

مێركڵ ئاماژەی بەوەكرد "لەمیانی پەیوەندیەكی تەلەفۆنیدا بە ئەردۆغانی وتوە دەبێت دەستبەجێ ئەو هێرشانە رابگرێت كە بۆ سەر ناوچەكانی باكوری فورات ئەنجامیدەدات، كە بەهۆیەوە دانیشتوان لە ماڵەكانیان هەڵهاتون و مەترسی دروستبونی ناهاوسەنگی و دروستبونەوەی داعش ناوچەكەدا هەیە".


Copyright © 2016 Xendan.org all rights reserved

designed and developed by AVESTA GROUP