"رێککەوتنەکە بۆ سەرجەم کارمەندان روندەکرێتەوە"
خۆسەری رۆژئاڤا: رێککەوتنمان لەگەڵ دیمەشق بۆ پاراستنی سنورەکانە

- 10/14/2019 3:04:00 PM 4732 جار خوێندراوەتەوە

خەندان-

بەڕێوەبەرایەتی خۆسەری رۆژئاڤا گشتاندنێکی بڵاوکردەوە و رایگەیاند، رێککەوتنی نێوان هێزەکانی سوریای دیموکرات و حکومەتی سوریا تەنیا سەربازییە و بۆ پاراستنی سنور و سەروەریی سوریایە لە هێرشی تورکیا.

داوامان لە هەر حەوت رێبڤەبەرییە خۆسەر و رێکخراوە مەدەنیەکان هەیە ئەرکی خۆیان راپەڕێن

 

بەڕێوەبەرایەتی خۆسەری رۆژئاڤا لە راگەیەندراوێکدا باسی لەوەشکردوە، داوایان لە هەر حەوت رێبڤەبەرییە خۆسەر و رێکخراوە مەدەنیەکان هەیە ئەرکی خۆیان راپەڕێن و گۆڕانکارییەکی ئیداری لە ناو شارەکاندا نەکراوە.

رێککەوتنەکە بۆ سەرجەم کارمەندان روندەکرێتەوە و هاندەدرێن بۆ خزمەتی خەڵک

 

ئاماژەی بەوەشکردوە، رێککەوتنەکە بۆ سەرجەم کارمەندان روندەکرێتەوە و هاندەدرێن بۆ خزمەتی خەڵک.

ئەوە لە کاتێکداتە دوێنێ هەسەدە و حکومەتی سوریا بە چاودێری روسیا گەیشتنە رێککەوتن و بڕیاردرا بۆ پاراستنی سنورەکانی باکوری سوریا لە بەرامبەر هێرشەکانی تورکیادا، سوپای سوریا بەرەو ناوچە سنورییەکان جوڵەی پێبکرێت.

 



Copyright © 2016 Xendan.org all rights reserved

designed and developed by AVESTA GROUP