وتەبێژی سەرۆکایەتی تورکیا: ئۆپراسیۆنەکەنمان لە باکوری سوریا راناگرین

- 10/14/2019 1:36:00 PM 1621 جار خوێندراوەتەوە

خەندان- 
لە کاتێکدا بە گوێرەی رێککەوتنی نێوان هەسەدە و دیمەشق سوپای سوریا بۆ بەرگرتن لە هێرشەکانی تورکیا دەگەڕێتەوە بۆ سنور، بەڵام وتەبێژی سەرۆکایەتی تورکیا رایگەیاند، ئۆپراسیۆنی سوپای وڵاتەکەی لە سوریا بەردەوامە دەبێت.
ئەوانەی بەرامبەر وێرانبون و کوژرانی هەزاران هاوڵاتی موسڵ، رەقە و دێرەزور بێ دەنگبون و ئێستا داوامان لێدەکەن

ئیبراهیم کاڵن وتەبێژی سەرۆکایەتی تورکیا لە تویتەر نوسیویەتی، "ئەوانەی بەرامبەر وێرانبون و کوژرانی هەزاران هاوڵاتی موسڵ، رەقە و دێرەزور بێ دەنگبون و ئێستا داوامان لێدەکەن ئۆپراسیۆنی کانی ئاشتی رابگرین، چونکە ترسیان هەیە ئۆپراسیۆنەکە سەرکەوێت هەڕەشەی سەپاندنی سزا بەسەرماندا دەکەن".

سەبارەت بەهەڵوێستی ئەنقەرە لەسەر ئەگەری راگرتنی هێرشەکانی سوپای وڵاتەکەی بۆ سەر ناوچەکانی باکوری سوریا بە پاساوی بونی "تیرۆر" دوای ئەوە سوپای سوریا دەگەڕێتەوە سنور، کاڵن ئاماژەی بەوەکردوە، "تا بەدەستهێنانی ئامانجەکان ئۆپراسیۆنەکانمان راناگرین".


Copyright © 2016 Xendan.org all rights reserved

designed and developed by AVESTA GROUP