كوردستانیانی لەندەن گەورەترین خۆپیشاندانیان دژی لەشكركێشی توركیا ئەنجامدا

- 10/13/2019 10:00:00 PM 5580 جار خوێندراوەتەوە

خەندان-  نیگار عومەر 

 ئەمڕۆ، دژی لەشكركێشیەكانی سوپای توركیا بۆ رۆژئاڤای كوردستان، لەشاری لەندەن، زیاتر لە 20 هەزار خۆپیشاندەر ناڕەزاییان بەرامبەر داگیركاری رۆژئاڤای كوردستان لەلایەن توركیاوە دەربڕی. 

 

عامر سەلاح ، یەکێک لە بەشداربوانی خۆپیشاندانەکە، بەخەندان-ی ڕاگەیاند، " بۆپاڵپشتی کردنی کوردانی ڕۆژئاڤای کوردستان  بەرامبەر ئەو زوڵم و زۆرەی کە تورکیا بەرامبەر هاوڵاتیان ڕۆژئاڤائەنجامی دەدات، ئەمڕۆ هەزاران کورد و نەتەوەکانی دیکەی بەریتانیا، لەشارو ناوچەکانی دیکەی بەریتانیاوە ڕژانە سەر شەقامەکان،  لەلەندەنی پایتەختەوە پشتگیری خۆیان دەربڕی بۆ  کوردانی ڕۆژئاڤا"

وتیشی،"خۆپیشاندان لەبەردەم ئۆفیسی بی بی سی-ەوە بەڕێپێوان بۆ بەردەم پەرلەمانی بەریتانیا ئەنجامدرا و تیایدا چەندین دروشم دژی داگیركارییەكانی توركیا خوێندرایەوە و بە چەندین دروشم كوردان پشتیوانی خۆیان بۆ لە ڕۆژئاڤا دەربڕی"

 



Copyright © 2016 Xendan.org all rights reserved

designed and developed by AVESTA GROUP