بەپەلە

شینێ بۆ ڕۆژئاوا

- 10/12/2019 11:34:00 PM 2820 جار خوێندراوەتەوە

خەندان-

 

بارانی پەڵە پێش کەوت...
ئەمساڵیش پێش وادەی بارین
لەناکاودا بە کۆڵێ هەوری سورەوە
وەدەر کەوت...
ئەمجارە لەجێی فریشتە
ئەهریمەن بارانی باران....
لەجێی تنۆک
خاکی تەڕکرد 
بە خۆێنی گەشی مناڵان...
هەوری ئەمساڵ
گەواڵ گەواڵ
لەدەریای ناوەند نەهاتوە
پاراوی کا خاکی تینو...
لە مەملەکەی سوڵتانەوە
بەدوو کەڵبەی زۆر تیژەوە 
گەرەکیە گەروی کورد بخوا
خێرا زۆر زوو...
قوڕ بە سەرت کەنازانی
ئەمە خاکی بەرخودانە...
ئەمە خاکی گەلی تینوو
بۆگەیشتن بە نێرگزی ئاڵ وجوانە...
ئەمە شوێنی بێشەی شێرانی
ئازایە...
ئەمە خاکی کۆڵنەدانە
هەم جێگای پەیامی خوایە...
ئەم وڵاتە
هەرچەندە بارانی سوری
بەلێزمە بەسەردا ببارێ
سەد هێندەی تر گەش و ئاڵە...
بەڵێنێکەو نابڕێتەوە
بۆگەیشتن بە لوتکەمان
پێگەی دوژمن نوقمی چاڵە...

عەبدولخالق عومەر



Copyright © 2016 Xendan.org all rights reserved

designed and developed by AVESTA GROUP