هیندستان: جموجۆڵەکانی تورکیا بوەتە مایەی پەرێشانی بۆ خەڵکی مەدەنی

- 10/10/2019 9:08:00 PM 2987 جار خوێندراوەتەوە

خەندان-

وەزارەتی دەرەوەی هیندستان، هاتە ریزی  ئەو وڵاتانەی دژایەتی خۆیان  بۆ لەشکرکێشیەکانی تورکیا بۆ سەر ناوچەکانی باکور و رۆژهەڵاتی سوریا دەربڕیوە و لە بەیاننامەیەکدا بە توندی ئەو هەنگاوەی ئەنقەرە شەرمەزار دەکات.
جموجۆڵەکانی تورکیا دەستکەوتەکانی سەقامگیری و شەڕی دژی تێرۆر لەناو دەبات

لە بەیاننامەیەکی وەزارەتەکەدا هاتوە" لە ناخی دڵەوە ئیدانەی هێرشە تاکلایەنەکانی تورکیا دەکەین  بۆ سەر باکور و رۆژهەڵاتی سوریا، جموجۆڵەکانی تورکیا دەستکەوتەکانی سەقامگیری و شەڕی دژی تێرۆر لەناو دەبات".

"هەنگاوەکانی تورکیا بوەتە مایەی پەرێشانی بۆ هاوڵاتیانی مەدەنی و سەرچاوە مرۆییەکان" لە بەشێکی دیکەی بەیاننامەکەی وەزارەتی دەرەوەی هیندستاندا وا نوسراوە.

حکومەتی نیو دەلهی داواش لە ئەنقەرە دەکات رێز لە سەروەری و یەکێتی خاکی سوریا بگرێت و داوای چارەسەری سیاسی و دانوستان لە تورکیا دەکات.

لە ماوەی رابردودا حکومەتی هیندستان، نیگەرانی خۆی دەربری لە وتەکانی ئەردۆغان کە لە رێکەوتی 23 ی مانگی رابردو لە بارەگای نەتەوە یەکگرتوەکان سەبارەت بە کێشەی کشمیر و هیندستان و پاکستان خوێندیەوە، نیودەلهی بە دەستێوەردان لەکاروباری هیندستان ناوی برد.


Copyright © 2016 Xendan.org all rights reserved

designed and developed by AVESTA GROUP