فنلەندا ناردنی چەکی بۆ تورکیا راگرت

- 10/10/2019 8:29:00 PM 2181 جار خوێندراوەتەوە

خەندان

حکومەتی، فنلەندا وەک ناڕەزایی بەرامبەر بە ھێرشەکانی حکومەتی ئەنقەرە بۆ سەر ناوچە کوردنشینەکانی سوریا، ناردنی چەکی بۆ تورکیا ڕاگرت.

بەگوێرەی سەرچاوە هەواڵەییەكان، ئەمشەو پێنج شەممە، حكومەتی فینلەندا سەرەڕای ئیدانەکردنی ھێرشەکانی دو رۆژی رابردوی تورکیا بۆ سەر باکوری سوریا ڕایگەیاند، ناردنی چەک بۆ تورکیا ڕادەگرێت.

ئەمەش لە كاتێكدایە كە دوای لەشكركێشییەكانی سوپای توركیا بۆ سەر رۆژئاڤای كوردستان، حكومەتی نەرویج وەك یەكەمین وڵاتی ئەندام لە ناتۆ لە كاردانەوەیدا بەرامبەر هێرشەكانی ئەنقەرە بۆ سەر ناوچە كوردشینەكانی سوریا، بڕیاریدا بە راگرتنی چەك بۆ توركیا.

ڕەجەب تەیب ئەردوغان، سەرۆک کۆماری تورکیا ئێوارەی ڕۆژی چوارشەممە دەستپێکردنی لەشکرکێشیەکانی بۆ  باکور و رۆژهەڵاتی سوریا راگەیاند، ئەوەش بە پاساوی "بەرەنگاربونەوەی تیرۆر "و پاراستنی خاڵە سنوریەکانی.

لەوبارەیەوە سەرچاوەیەک لە وەزارەتی دەرەوەی سوریا بە ئاژانسی سانای ئەو وڵاتەی راگەیاندوە، ئەوەی ئەردۆغان دەیڵێت کە ژیان و سەروماڵی هاوڵاتیانی سوریا دەپارێزن لەگەڵ واقیعدا یەکناگرێتەوە، لەبەرئەوەی ئەردۆغان پێشێلکاری سەروەری خاکی وڵاتەکەی دەکات و ئەوان بەتوندی روبەروی ئەو دوژمنکاریانەی تورکیا دەبنەوە.


Copyright © 2016 Xendan.org all rights reserved

designed and developed by AVESTA GROUP