بەهۆی تۆپبارانی سوپای تورکیا 17 کەس لەتەلئەبیەز برینداربون

- 10/10/2019 3:43:00 PM 1089 جار خوێندراوەتەوە

خەندان-
 بەهۆی تۆپبارانی سوپای تورکیا لەسەر سنورەکانی سوریا، 17 کەس لەتەلئەبیەز برینداربون.

بەپێی هەواڵێکی ئەلعەرەبییە، سەرلەبەیانی ئەمڕۆ پێنجشەممە، لەسنورەکانی سوریا و بەتایبەتیش لەتەلئەبیەز، نزیکی شارۆچکەی ئاکاکالێی تورکیا بەهۆی تۆپبارانی سوپای تورکیاوە، لانیکەم 17 کەس برینداربون.

بەگوێرەی هەواڵەکە، ژن و منداڵ لەنێو بریندارەکاندا هەیە. 

هەروەها، میدیاکانی سوریا بڵاویانکردەوە کە پێکدادانی قورس لەنێوان هێزەکانی سوریای دیموکرات و سوپای تورکیا لەناوچەی تەلحەلەف رودەدات.

دوێنی رەجەب تەیب ئەردۆغانی سەرۆکی تورکیا دەستپێکردنی ئۆپەراسیۆنەکانی تورکیای لەباکوری رۆژهەڵاتی سوریا راگەیاند ،هەریەک لەوڵاتانای یەکێتی ئەروپا و نەتەوە یەکگرتوەکان و بەشێکی دیکەی وڵاتانی جیهان داوای راگرتنی دەکەن.


Copyright © 2016 Xendan.org all rights reserved

designed and developed by AVESTA GROUP