بەپەلە

ماركیزیۆ: ئۆپەراسیۆنەكەی توركیا شەرمەزاریە بۆ هەمو جیهان

- 10/10/2019 2:26:00 PM 9452 جار خوێندراوەتەوە

خەندان-
 
ماركیزیۆی یاریزانی پێشوی هەڵبژاردەی ئیتاڵیا كە چەند رۆژێك بەر لە ئێستا بە فەرمی وازهێنانی خۆی لە یاریكردن راگەیاند، لەسەر لەشكركێشییەكەی توركیا بەرامبەر كوردانی رۆژئاوا هاتە دەنگ.

ماركیزۆ لە نوسینێکدا لە تۆڕی کۆمەڵایەتی ئینستاگرام نوسیویەتی، "ئانا فرانک لە دەفتەری یادەوەریەکانیدا لە ساڵی 1942 كە دەكاتە 77 ساڵ پێش ئێستا نوسیویەتی، دەبینم بە هێواشی جیهان لە بیاباندا دەڕوێتەوە، وردە وردە هەست بە زیادبونی هێزم دەکەم بەرامبەر ئەو نەڕەیەی کە دەیەوێت بمانکوژێت، تێدەگەم لە ئازارەکانی ملیۆنەها مرۆڤ".

لە بەشێكی دیكەی نوسینەكەیدا ماركیزیۆ دەڵێت، "77 ساڵ دوای ئەوە بۆمبڕێژی تورکیا بەرامبەر بە کورد لە تورکیا دەستیپێکرد، شەرمەزاریە بۆ هەمو نەوەکانی جیهان، خۆم بە لێپرساوی هەمو ئەو کوژراوانە دەزانم".

ماركیزیۆی تەمەن 33 ساڵ یەكێكە لە یاریزانە ناودارەكانی پێشوی هەڵبژاردەی ئیتاڵیا و یانەی یۆڤانتۆس، لەگەڵ یانەكەی توانیوێتی چەندین نازناو بەدەستبهێنێت و مێژویەكی پرشنگداری هەیە لە یارییەكانی كاڵچۆ.


Copyright © 2016 Xendan.org all rights reserved

designed and developed by AVESTA GROUP