هەواڵی ئەمڕۆ

ئەردۆغان: تەواوی هێزەکانی رۆژهەڵاتی فورات لەناودەبەین

- 10/10/2019 1:55:00 PM 3919 جار خوێندراوەتەوە

خەندان-

رەجەب تەیب ئەردۆغان، سەرۆک کۆماری تورکیا رایگەیاند، ئۆپەراسیۆنەکەیان بۆ سەر رۆژهەڵاتی فورات بەردەوام دەبێت تائەوکاتەی "تەواوی هێزەکانی رۆژهەڵاتی فورات لەناودەبەین".

ئەردۆغان لەبەردەم ئەندامانی پارتەکەیدا رایگەیاند، ئۆپەراسیۆنەکەیان بەباکوری خۆرهەڵاتی سوریا بەردەوام دەبێت تا تەواوی مەترسییەکان دوردەخەنەوە.

وتیشی، ئەو وڵاتانەی دژایەتی ئۆپەراسیۆنەکە دەکەن باشتروایە بێدەنگبن.

ئەردۆغان لەلێدوانەکەیدا کە توڕەیی و فشاری زۆری پێوەدیاربو راشیگەیاند، ناکرێت وڵاتانی ئەندام لەرێکخراوی ناتۆ بێدەنگبن لەکاتێکدا ئەندامێکی ئەو رێکخراوە هێرشی دەکرێتەسەر.

وتیشی، ئەم ئۆپەراسیۆنە، کارێک دەکات کە دواتر هەمو کەس بتوانێت بچێتەوە نێو ماڵی خۆی.

 
رەجەب ئەردۆغان وتیشی، "ئامانج له‌و ئۆپه‌راسیۆنه‌ش (ئۆپه‌راسیۆنی كانی ئاشتی) بۆ پاراستنی یه‌كپارچه‌یی خاك و یه‌كڕیزی سیاسیی سوریایه‌".
 



Copyright © 2016 Xendan.org all rights reserved

designed and developed by AVESTA GROUP