شاناز ئیبراهیم ئەحمەد: داوا دەکەین ناوچەی دژەفڕین بۆ ڕۆژئاوای کوردستان دروستبکرێت

- 10/10/2019 12:57:00 PM 2629 جار خوێندراوەتەوە

خەندان-

شاناز ئیبراهیم ئەحمەد رایگەیاند، داوا دەکەن بە زوترینکات ناوچەی دژە فڕین بۆ ڕۆژئاوای کوردستان دروست بکرێت، دەشڵێت، پێویستە وەکو هەرێمی کوردستان و عێراقیش پشتیوانی لە ئیدارەی رۆژئاوا بکرێت.
ئەو تاوانەی ئیستا تورکیا بەرامبەر خەڵکی ڕۆژئاوای کوردستان دەیکات هەمو جیهانی نیگەران کردوە

 

شاناز ئیبراهیم ئەحمەد ئەمڕۆ لەمیانی سەردانێکیدا بۆ نوێنەرایتی کانتۆنەکانی ڕۆژئاوای کوردستانیان رایگەیاند، "ئەو تاوانەی ئیستا تورکیا بەرامبەر خەڵکی ڕۆژئاوای کوردستان دەیکات هەمو جیهانی نیگەران کردوە، نیگەرانیەکان بۆ ئەوە نیە کە شەڕڤانان ناتوانان خەڵکی خۆیاین بپارێزن، بەڵکو بۆ ئەوەیە، کە ئەو تاوانە لەبەرچاوی هەمو دەوڵەتانی جیهان و وڵاتە زلهێزەکان بەرێوەدەچێت، بەڵام هیچ کەس  ئەو هێرشانە ئاستەنگ ناکات".
پێوستە ئێمە هەم وەک باشوری کوردستان هەم وەک دەوڵەتی عێراق پشتیوانێکی تەواو لە ڕۆژئاوای کوردستان بکەین

 

ئاماژەی بەوەشکرد، "پێوستە ئێمە هەم وەک باشوری کوردستان هەم وەک دەوڵەتی عێراق پشتیوانێکی تەواو لە ڕۆژئاوای کوردستان بکەین، داوا بکەین بە زوترینکات ناوچەیەکی دژەفڕین بۆ ڕۆژئاوای کوردستان دروست بکرێت".
 بە یەکێتی نەتەوەیی کۆبانێمان پاراست دەبێت ئێستاش بە ڕۆحی یەکێتی نەتەوەیی رێگە لەو هێرشە نوێیە بگرین

 

شاناز ئیبراهیم ئەحمەد وتیشی، "بەرخۆدانی کوبانێ یەکێک لە نمونە جوانەکان کە پێشکەشی جیهانمان کرد، بە یەکێتی نەتەوەیی کۆبانێمان پاراست دەبێت ئێستاش بە ڕۆحی یەکێتی نەتەوەیی رێگە لەو هێرشە نوێیە بگرین کە دەکرێتەسەر رۆژئاوای کوردستان".


Copyright © 2016 Xendan.org all rights reserved

designed and developed by AVESTA GROUP