پەکەکە راگەیەنراوێکی لەبارەی هێرشەکانی تورکیا بۆ سەر رۆژئاڤای کوردستان بڵاوکردەوە

- 10/10/2019 12:04:00 PM 125387 جار خوێندراوەتەوە

خەندان-

کۆمیتەی بەڕێوەبەرایەتی پارتی کرێکارانی کوردستان (پەکەکە) رایگەیاند، لە دژی هێرشەکانی دەوڵەتی تورکیا هەمو ماڵ و کۆڵانێک دەبێتە بەرەیەکی شەڕ، داواشی  لە هێزەکانی هەپەگە و یەژاستار کرد لە باکوری کوردستان چالاکیەکانیان دەستپێبکەنەوە.
تورکیا دەخوازێت ئەوەی داعش پێینەکراو، ئەوان تەواوی بکەن

 

کۆمیتەی بەڕێوەبەرایەتی پارتی کرێکارانی کوردستان (پەکەکە) لە راگەیەندراوێکدا رایگەیاندوە، لە کاتێکدا سوپای تورکیا هێرشدەکاتە سەر ئیدارەی باکوری سوریا و "دەخوازێت ئەوەی داعش پێینەکراو، ئەوان تەواوی بکەن" بەوەش جارێکی دیکە مێژو ئەو ئەرکەی پێداون کە بۆ شەرەف و مرۆڤایەتی و ئازادی تێبکۆشن.
ئەو ئۆپراسیۆنەوە دەخوازێت خەڵکی ناوچەکانی رۆژهەڵاتی فورات ئاوارە بکەن و سەر لە نوێ چەکدارانی داعش زیندو بکەنەوە

 

ئاماژە بەوەشکراوە، سوپای تورکیا لە رێگەی ئەو ئۆپراسیۆنەوە دەخوازێت خەڵکی ناوچەکانی رۆژهەڵاتی فورات ئاوارە بکەن و سەر لە نوێ "چەکدارانی داعش زیندو بکەنەوە" کە لەسەر دەستی هەسەدە لەناوبران.
لە باوەڕ و بڕیاری ئێمەدا سەبارەت بە سەرکەوتنمان هێچ گومانێکمان نیە

 

لە راگەیەندراوەکەی پەکەکەدا ئەوەش خراوەتەڕو، تورکیا دەخوازێت بەوهێرشەی دەستکەوتەکانی گەلانی باکور و رۆژەهەڵاتی سوریا لە ناوببات و ئەو هێزەی داعشی تێکشکاندا لاواز بکات، بەڵام "لە باوەڕ و بڕیاری ئێمەدا سەبارەت بە سەرکەوتنمان هێچ گومانێکمان نیە".
داوا هێزەکانی هەپەگە و یەژا ستار دەکەین لە هەر کوێیەک بون چالاکییە گەریلایەکانیان لە دژی دەسەڵاتی فاشیزمی ئەکەپە-مەهەپە زیادبکەن

 

پەکەکە دەشڵێت، "داوا هێزەکانی هەپەگە و یەژا ستار دەکەین لە هەر کوێیەک بون چالاکییە گەریلایەکانیان لە دژی دەسەڵاتی فاشیزمی ئەکەپە-مەهەپە زیادبکەن".

رونیشیکراوەتەوە، "داواش لە گەنجانی هەر چوار پارچەی کوردستان دەکەین لە بەرامبەر هەوڵەکانی داگیرکاریدا دەست بەچالاکی بکەن و لە دەوری سەرکەوتنی رۆژئاوادا کۆببنەوە".


Copyright © 2016 Xendan.org all rights reserved

designed and developed by AVESTA GROUP