گەنجێکى تەمەن 20 ساڵ بەهۆى هەژاریەوە کۆتایی بەژیانى دەهێنێت

- 10/9/2019 10:11:00 PM 2567 جار خوێندراوەتەوە

خەندان-

گەنجێکى خەڵکی شاری روانسەرى سەر بە پارێزگای کرماشان بە هۆی هەژاریەوە کۆتایی بە ژیانی خۆی هێنا.

رێکخراوى هەنگاو بۆمافەکانى مرۆڤ رایگەیاند، دوێنێ سێشەمە گەنجێکى تەمەن 20 ساڵی خەڵکی گوندی بروارەین سەر بە شاری روانسەر بە ناوی “سوبحان کەریمی” کۆتایی بە ژیانی خۆی هێنا.

وتوشیەتى، بەگوێرەى قسەى سەرچاوەیەک سوبحان کەریمی بە هۆی هەژاری و بێ هیوایی و لە رێگەی خواردنی حەبەوە کۆتایی بە ژیانی خۆی هێناوە.

رێکخراوەکە باسى لەوەشکردوە، لە سەرەتایی ساڵی 2019 وە لانیکەم 57 کەس بە هۆی هەژاری و کێشەی ئابوری کۆتاییان بە ژیانی خۆیان هێناوە کە 47کەسیان لە رەگەزی نێر بون.


Copyright © 2016 Xendan.org all rights reserved

designed and developed by AVESTA GROUP