" هەوڵی ئەردۆغان لە خۆسەپێنی تورکیا بۆ سەر خاکی سوریا بە رونی دیارە"
سوریا: هەوڵی دوژمنگەرایی تورکیا ئیدانەی دەکەین و سورین لەسەر بەگژداچونەوەی

- 10/9/2019 4:57:00 PM 3679 جار خوێندراوەتەوە

خەندان-

حکومەتی سوریا لە بەیاننامەیەکدا زۆر بەتوندی ئیدانەی لەشکرکێشیەکانی تورکیا دەکات بۆ سەر خاکی وڵاتەکەی و هەرەشەی بەگژداچونەوە و بەرگری سەربازی دەکات لە دژی سوپای تورکیا.
سوریا بە توندترین شێوە ئیدانەی نیازی خۆسەپێنی و دوژمنگەرایی  رژێمی تورکیا و لەشکرکێشی سوپاکەی دەکات

 


لە بەیاننمایەکدا کە ئاژانسی سانا-ی زمانحاڵی حکومەتی سوریا بڵاوکردوەتە،تیایدا هاتوە" سوریا بە توندترین شێوە ئیدانەی نیازی خۆسەپێنی و دوژمنگەرایی  رژێمی تورکیا و لەشکرکێشی سوپاکەی دەکات  بۆ سەر ناوچەکانی باکور و رۆژهەلاتی فورات".
پێشێلی یاسا نێودەوڵەتیەکانە و سەرپێچیە لە بەند و مادەکانی ئەنجومەنی ئاسایشی نێودەوڵەتی

 


هەر لەو بەیاننامەیەدا کە لەلایەن وەزارەتی دەرەوەی سوریا بڵاوکراوەتەوە ئاماژە بەوە دەکات، ئەو هەنگاوەی تورکیا پێشێلی یاسا نێودەوڵەتیەکانە و سەرپێچیە لە بەند و مادەکانی ئەنجومەنی ئاسایشی نێودەوڵەتی کە تیادا" جەخت لە رێزگرتن لە سەروەری خاکی سوریا دەکاتەوە".
رەفتاری دوژمنخوازی رژێمی ئەردۆغان لە فروانخوازی و خۆسەپێنی تورکیا بەسەر خاکی سوریادا بەڕونی دەردەوکەوێت

 

"رەفتاری دوژمنخوازی رژێمی ئەردۆغان لە فروانخوازی و خۆسەپێنی تورکیا بەسەر خاکی سوریادا بەڕونی دەردەوکەوێت، ناتوانرێت لە ژێر هیچ پاساو و بیانویەکدا جیگای بکاتەوە " لەبەیاننامەکەدا وا نوسراوە.

لەبەشێکی دیکەی بەیاننامەکەدا ئاماژە بەوە دراوە، بیانوەکانی تورکیا بۆ پاراستنی خاڵە سنوریەکانی بیانویەکی بێ بنەمایەوە و لە رێککەوتنی ئادانادا لەسە ئەوە رێککەوتون کە نابێت ئەوە بکرێت بە بیانو  بۆ لەشکرکێشی بۆ ناو قوڵایی خاکی سوریا.

حکومەتی سوریا سەرەڕای ئیدانەی توندی ئەو لەشکرکیشیە، هەرەشەی توند لە حکومەتی تورکیا دەکات و دەلێت" بەهەمو رێگایەکی یاسایی بەگژ سوپای تورکیادا دەچینەوە".



Copyright © 2016 Xendan.org all rights reserved

designed and developed by AVESTA GROUP