وێنە..پاش ئەوەی ماكیاژی "زۆمبی" ئەنجامدا، توشی تۆقین بو

- 10/4/2019 5:57:00 PM 54588 جار خوێندراوەتەوە

خەندان-

پاش ئەوەی بە ماكیاژ شێوازی روخساری خۆی گۆڕی بۆ "زۆمبی"، سەماكارێكی ئەمریكی لەكاتی سەیركردنی روخساری خۆیدا توشی تۆقین بو و بەوهۆیەوە گەیەندرایە نەخۆشخانە.

جای فییرز كە سەماكارێكی ئەمریكیە، پاش ئەوەی دوشەممەی رابردو 30ی ئەیلول بە مەبەستی ئەنجامدانی فۆتۆشووت بۆ ئاهەنگی هاڵۆویین و كارێكی بازرگانی، ماكیاژی "زۆمبی" بۆ روخساری ئەنجامداوە، لەكاتی بینینی خۆیدا توشی ترس و تۆقین بوە و بەوهۆیەوە توشی تۆقین بوە.

فییرز دەستبەجێ گەیەندراوەتە نەخۆشخانە و چارەسەری پێویستی بۆ ئەنجامدراوە، دواتریش كاتێك هۆشی هاتوەتەوە ئاماژەی بەوەكردوە "كاتێك روخساری خۆی بەوشێوەیە بینیوە زەبرێكی توند بە مێشكی كەوتوە و كاردانەوەیەكی زۆر نەرێنی هەبوە".

دواتریش لە هەژماری تایبەتی خۆی لە تۆڕی كۆمەڵایەتی فەیسبوك فییرز هەواڵەكەی بڵاوكردوەتەوە رایگەیاندوە "دڵەڕاوكێ و تۆقین شتێك نیە جێی پێكەنین و گاڵتە بێت، ئەو روداوەش روداوێكی نامۆ بو كە لەكاتێكی سەیردا رویدا".

بە گوێرەی ناوەندی نەخۆشیە دەرونیەكانی ویلایەتە یەكگرتوەكانی ئەمریكا، نزیكەی 40 ملیۆن كەس لەو وڵاتەدا بەهۆی نەخۆشیەكانی ترس و نیگەرانی و دڵەراوكێ-وە دەناڵێنن.

هاوكات بەپێی رێكخراوی جیهانی تەندروستی، لەسەر ئاستی جیهان لە هەر 13 كەسێك یەك كەس توشی دڵەڕاوكێ دەبێتەوە.


Copyright © 2016 Xendan.org all rights reserved

designed and developed by AVESTA GROUP