ژنێكی كلێنس فرۆش دەبێتە سونبولی خۆپیشاندانەكانی عێراق

- 10/4/2019 10:53:00 AM 15383 جار خوێندراوەتەوە

خەندان-

لەگەڵ سەرهەڵدانی خۆپیشاندانەكانی بەغداد و پێكهەڵپژانی نێوان خۆپیشاندەران و هێزە ئەمنیەكان، ڤیدیۆی ژنێك بڵاوكرایەوە كە ئەو كلێنسانەی رۆژانە دەیانفرۆشێت دەداتە ئەو خۆپیشاندەرانەی بەر گازی فرمێسك رێژی هێزە ئەمنیەكان كەوتون.

وەك لە ڤیدیۆكەدا دەردەكەوێت، ئەو ژنە بە پەرۆشییەكی زۆرەوە، بەهانای ئەو خۆپیشاندەرە عێراقییانەوە دەچێت كە بەهۆی بۆمبی فرمێسك رێژی هێزە ئەمنییەكانەوە چاوەكانیان توشی ئازارو رشتنی فرمێسك بوە، رۆژانەش لەو رێگەیەوە بەشداری لە خۆپیشاندانەكان دەكات.

ڤیدیۆی ئەو ژنە لەناو تۆڕە كۆمەڵایەتییەكان كاردانەوەیەكی گەورەی لێكەوتۆتەوە و لەئێستادا بوەتە سومبولی خۆپیشاندانەكانی 2019ی عێراق و بەشێك لە خۆپیشاندەران بە پاڵەوان ناویان هێناوە و دەڵێن، ئەو وازی لە قوتی خێزانەكەی هێناوە بۆ یارمەتیدانی خۆپیشاندەران و بە دابەشكردنی سامانەكەی بەسەر گەلی عێراقدا پێناسەیان كردوە.

 



Copyright © 2016 Xendan.org all rights reserved

designed and developed by AVESTA GROUP