بەپەلە

ڤیدیۆ.. شەمەندەفەرێك خۆی بە فیلێكدا دەكێشێت و دەیكوژێت

- 10/2/2019 10:49:00 PM 8294 جار خوێندراوەتەوە

خەندان-

لە ناوچەیەكی رۆژهەڵاتی هیندستان، روداوێكی هاتوچۆ لەنێوان شەمەندەفەرێك و فیلێكدا رویدا و گیانلەدەستدانی فیلەكە، بوە هۆی توڕەیی دانیشتوان.

لە دەرەنجامی روداوەكەدا فیلەكە گیانیلەدەستداوە

لە ویلایەتی بەنگال-ی رۆژهەڵاتی هیندستان، گرتە ڤیدیۆییەك بڵاوبوەتەوە تێێدا پێكدادان لەنێوان شەمەندەفەرێك و فیلێكدا رویداوە، بە پێی ئەو زانیاریانەی بڵاوكراوەتەوە لە دەرەنجامی روداوەكەدا فیلەكە گیانیلەدەستداوە.

روداوەكە لە رێگەی سەرەكی نێوان شارەكانی باناهارت-ناگراتا رویداوە، لەكاتێكدا فیلەكە هەوڵیداوە بەسەر هێلە ئاسنینەكانی شەمەندەفەرەكەدا بپەڕێتەوە، لەوكاتەدا شەمەندەفەركە گەشتوەتە سەر فیلەكە و بە زەبرێكی توند خۆی پێداكێشاوە.

هەوڵدەدات بەو ئازارەوە بەردەوامبێت لە رێكردن

لە تۆمارە ڤیدیۆییەكەدا دەردەكەوێت، دەستبەجێ پاش روداوەكە فیلەكە بە سەختی برینداربوە و خوێن بە جەستە و قاچەكانیەوە دەبینرێت، كە هەوڵدەدات بەو ئازارەوە بەردەوامبێت لە رێكردن، بەڵام راپۆرتە هەواڵیەكانی هیندستان بڵاویانكردەوە، چەند خولەكێك دواتر فیلەكە گیانیلەدەستداوە.

بەوهۆیەوە، دانیشوانی ناوچەكە نارەزایی نیگەرانی خۆیان دەربڕی و داوایانكرد سەبارەت بەو روداوە هاتوچۆیانەی ئاژەڵان تێیاندا دەبنە قوربانی، سنورێك دابنرێت.

 


نیشانەکردن :

#جۆراوجۆر

Copyright © 2016 Xendan.org all rights reserved

designed and developed by AVESTA GROUP