ڤیدیۆ..لەنێو خۆپیشاندانەكانی بەغدا منداڵێك بە بەرچاوی دایكیەوە لە ئۆتۆمۆبیلێكدا دەسوتێت

- 10/2/2019 7:39:00 PM 25253 جار خوێندراوەتەوە

خەندان-

لەمیانی بەردەوامی خۆپیشاندانەكانی بەغدا و پارێزگاكانی دیكەی عێراق، ئۆتۆمۆبیلێك سوتا كە منداڵێك لەنێویدابو.

ژنێك لە ئۆتۆمۆبیلەكە دێتە دەرەوە و پڕ بە دەنگی هاواردەكات

لەناو تۆڕە كۆمەڵایەتیەندا، گرتە ڤیدیۆی گڕگرتنی ئۆتۆمۆبیلێك لە ناوچەی زەعفەرانیە لە بەغدا بڵاوبوەتەوە، تێیدا ژنێك لە ئۆتۆمۆبیلەكە دێتە دەرەوە و پڕ بە دەنگی هاواردەكات، كە بە گوێرەی زانیاریەكان كچێكی بچوكی ئەو ژنە لەناو ئۆتۆمۆبیلەكەدا بوە.

ناتوانن بچن بە هانای ئەو منداڵەی لەناو گڕ و دوكەڵی ئۆتۆمۆبیلەكەدا بەتەنها گیریخواردوە

وەك دەردەكەوێت، ژنێك كە پۆشاكی رەشی لەبەردایە بە هاوار و ناڵە و لەخۆدان لە ئۆتۆمۆبیلەكە دوردەكەوێتەوە و ئەو كەسانەی لە چواردەوری روداوەكەدان هەرچەندیش هەوڵبدەن ناتوانن بچن بە هانای ئەو منداڵەی لەناو گڕ و دوكەڵی ئۆتۆمۆبیلەكەدا بەتەنها گیریخواردوە.

بە گوێرەی ئەو زانیاریانەی بڵاوكراونەتەوە، ئۆتۆمۆبیلەكە بەهۆی گوللـەی هێزە ئەمنیەكانی بەغدا گڕیگرتوە، كە بە مەبەستی بڵاوەپێكردنی خۆپیشاندەران لەگەڵ گازی فرمێسكڕێژ بەكاریانهێناوە.

لە دوێنێ سێشەممەوە، لە بەغدا-ی پایتەختی عێراق و چەندین پارێزگای دیكە سەدان كەس رژاونەتە سەر شەقامەكان و داوای گۆڕینی حكومەت و ئەنجامدانی چاكسازی دەكەن، بەهۆی پێكدادانی نێوان خەڵك و هێزە ئەمنیەكانیش لانیكەم دو كەس كوژراون و سەدانی دیكەش برینداربون.



Copyright © 2016 Xendan.org all rights reserved

designed and developed by AVESTA GROUP