مۆبایلەكە لەسەر سەرینەكەی تەقیەوە و بەوهۆیەوە گیانیلەدەستدا

- 10/2/2019 6:57:00 PM 41911 جار خوێندراوەتەوە

خەندان-

كچێكی تەمەن 14 ساڵ، لەكاتێكدا لەسەر پێخەفەكەی خەوی لێكەوتوە، مۆبایلەكەی لەسەر سەرینەكەی تەقیوەتەوە و بەوهۆیەوە گیانیلدەستداوە.

مۆبایلەكەی لە تەنیشت پێخەفەكەیەوە بارگاوی (شەحن) كردوە 

ئاوڵا ئازێتكیزی، كچێكی دانیشتوی كازاخستانە كە پاش ئەوەی چوەتە ناو پێخەفەكەی مۆبایلەكەی لە تەنیشت پێخەفەكەیەوە بارگاوی (شەحن) كردوە و لە هەمانكاتدا گوێی لە میوزیك گرتوە، بەڵام رۆژی دواتر لەناو پێخەفەكەیدا گیانیلەدەستداوە.

زەبرێكی توندی گەیاندوە بە مێشك و سەری

شەو لەكاتی خەوتنیدا، باتری مۆبایلەكەی ئاوڵا تەقیوەتەوە و بەهۆی ئەوەی لەسەر سەرینەكەی بوە زەبرێكی توندی گەیاندوە بە مێشك و سەری، سەرەڕای ئەوەی تیمەكانی فریاگوزاری سەرەتایی لەكاتی گەیشتنیان بە شوێنی روداوەكە هەوڵێكی زۆریانداوە بۆ رزگاركردنی، بەڵام ئاوڵا لە كۆتاییدا گیانیلەدەستداوە.

بە وتەی شارەزایان و راپۆرتەكان سەبارەت بەو بابەتە، مۆبایلە زیرەكەكە لە كاتژمێرەكانی سەرەتای بەیانیدا بەهۆی زۆر گەرمبونیەوە تەقیوەتەوە و ئەوەش هۆكاری گیانلەدەستدانی ئەو كچە 14 ساڵە بوە، تا ئێستاش جۆر و ماركەی مۆبایلەكە ئاشكرانەكراوە.

ئاوڵا یەكەمین كەس نیە كە بەهۆی مۆبایلەكەیەوە گیانلەدەستبدات، پێشتریش لیلیا  نۆڤیكۆڤا، كە بە "جوانترین یاریزانی پۆكەر"ی روسی ناسرابو، هاوكات لەگەڵ ئەوەی پاش خۆشوشتن وشككەرەوەی پرچ-ی بەكارهێناوە مۆبایلەكەی بەكارهێناوە، بەوهۆیەوە كارەبا لێیدا و گیانیلەدەستدا.


نیشانەکردن :

#جۆراوجۆر

Copyright © 2016 Xendan.org all rights reserved

designed and developed by AVESTA GROUP