بەپەلە

حەسەن نەسروڵا: هەرجەنگێک بەرپا بکرێت ئێران سعودیە تێکدەشکێنێت

- 9/21/2019 12:10:00 PM 2066 جار خوێندراوەتەوە

خەندان-

حەسەن نەسروڵا، ئەمینداری گشتی حزبوڵای لوبنان رایگەیاند، هەرجەنگێک لە دژی ئێران بەرپابکرێت تیایدا ئێران سعودیە تێکدەشکێنێت.
 پێویستە هەریەک لە وڵاتانی ئیمارات و سعودیە کاربکەن بۆ وەستاندنی جەنگ لە یەمەن لە جیاتی کڕینی ئامڕازی زیاتری بەرگری ئاسمانی

 

بەپێی ئاژانسی هەواڵی رۆیتەرز، حەسەن نەسروڵا، ئەمینداری گشتی حزبوڵای لوبنان لەمیانی وتارێکی تەلەفزیۆنیدا هۆشداریدا بەوەی، "هەرجەنگێک لە دژی ئێران بەرپابکرێت، تیایدا ئێران سعودیە تێکدەشکێنێت، پێویستە هەریەک لە وڵاتانی ئیمارات و سعودیە کاربکەن بۆ وەستاندنی جەنگ لە یەمەن لە جیاتی کڕینی ئامڕازی زیاتری بەرگری ئاسمانی".
کڕینی ئامڕازی نوێی بەرگری ئاسمانی لەلایەن سعودیەوە هیچ سودێکی نابێت لە پاراستنی ئەو وڵاتە 

 

ئاماژەی بەوەشکرد، "کڕینی ئامڕازی نوێی بەرگری ئاسمانی لەلایەن سعودیەوە هیچ سودێکی نابێت لە پاراستنی ئەو وڵاتە لەو فڕۆکە بێفڕۆکەوانانەی کە لە 14ی سێپتەمبەردا بەکارهاتبون بۆ هێرشکردنە سەر دامەزراوە نەوتیەکانی سعودیە، بەهۆی توانای ئەو فڕۆکانە لە پێشڕوی و گۆرێنی ئاڕاستەدا".
جەنگ دژی ئێران گرەوێک نییە ئێوە بتوانن تیایدا براوەبن، ئێوە ماڵتان لە شوشەیە

 

نەسڕوڵا وتیشی، "جەنگ دژی ئێران گرەوێک نییە ئێوە بتوانن تیایدا براوەبن، ئێوە ماڵتان لە شوشەیە، ئابوریتان لە شوشەیە وەک شارە شوشەیەکانی ئیمارات".

ئەوەشی دوپاتکردەوە، "کڕینی دامەزراوەی بەرگری ئاسمانی نوێ بۆ پاراستنی هەمو لایەنە ئاسمانیەکانی ئیمارات و سعودیە، تێچویەکی زۆری دەوێت و بێسودیش دەبێت، بەڵام تێچوی وەەستاندنی شەڕ لە یەمەن زۆر لەوەکەمتر دەبێت".


Copyright © 2016 Xendan.org all rights reserved

designed and developed by AVESTA GROUP