بەپەلە

ئەردۆغان: لەژێر کاریگەری ئیبن خەلدوندا، ئاکەپە-م دامەزراند

- 9/20/2019 11:20:00 PM 4986 جار خوێندراوەتەوە

خەندان-

رەجەب تەیب ئەردۆغان، سەرۆککۆماری تورکیا ئاماژە بەوە دەدات، کە لە ژێر کاریگەری ئیبن خەلدوندا پارتی داد و گەشەپێدان(ئاکەپە)ی دامەزراندوە.

ئەو وتانەی ئەردۆغان لە میانی وتارێکیدا بو لە کۆنفرانسی کۆمەڵناسی لە ئیستانبوڵ و وتیشی" شارستانیەتە مێژوییەکان کۆمەڵگاکانی خۆیان لەسەر بنچینەی باوەڕ و ئاکار و هونەر و فەلسەفەی خۆیان دامەزراندوە".

"..لەبەر ئەو هۆیەیە بوخارا، سەمەرقەند، تەبرێز، بەغدا، مەدینە، شام و قورتەبە، بە کورتیەکەی سەرجەم شارەکانی شارستانیەتی ئێمە(ئیسلام) لە هەمو ناوچەکانی دنیاوە زانا و کەسی بیرمەندی بۆخۆی پەلکێش کردوە" ئەردۆغان وای وت.


ئەردۆغان لە بەشێکی دیکەی وتارەکەیدا، ئاماژەی بەوەدا ئیبن خەلدون کاریگەری زۆری بەسەر ژیانییەوە هەبوە لە ژینای رۆژانەیدا فەلسەفەکانی ئەوی پەیرەو کردوە، بەجۆرێک وای لێکرد پارتی داد و گەشەپێدان دابمەزرێنێت.


Copyright © 2016 Xendan.org all rights reserved

designed and developed by AVESTA GROUP