دادگایەکی تورکیا فەرمانی دوبارە دەستگیرکردنەوەی دەمیرتاش دەردەکات

- 9/20/2019 6:10:00 PM 5695 جار خوێندراوەتەوە

خەندان-

دادگایەکی تاوانە گەورەکانی تورکیا، داوایەکی نوێ بۆ دەستگیرکردنەوەی سەلاحەدین دەمرتاش دەردەکات، ئەگەرچی  لەلایەن  19هه‌‌مین دادگای سزا قورسه‌كانی ئه‌نقه‌ره‌ بێبه‌ری بونی سه‌ڵاحه‌دین ده‌میرتاش له‌ تۆمه‌تی كه‌یسی "به‌ڕێوه‌بردنی ڕێكخراوی تیرۆریستی" ڕاگه‌یەنرا و بڕیاردرا بە ئازادكردنی.

محەمەد تانری کولو، پەرلەمانتاری تورکیا لە فراکسۆنی جەهەپە لە پێگەی فەرمی خۆی لە تویتەر نوسیویەیتی" ئەمرۆ  دادگای تاوانە گەورەکانی ئەنقەرە بڕیاری ئازادکردنی دەمیرتاشی پەسەند کرد، بەڵام بۆ رێگەگرتن لە ئازادکردنی، فەرمانی لێکۆڵینەوە بۆ دەرچو لە سەر بنەمای هەمان تۆمەتەکانی پێشو".

ئەوە لە کاتێکدایە، هەفتەیەک لەمەوبەر، ئایدن ئەردۆغان، پارێزەری دەمیرتاش وتی"هیچ بەربەستێک بۆ ئازادکردنی دەمیرتاش نەماوە " بڕیاری ئازادکردنی لە ئانوساتدایە".

" له‌ ئێستادا هه‌ندێک هۆکار بۆ ئازاد نه‌کردنی ده‌میرتاش خراوه‌ته‌ڕو که‌ به‌ده‌ر له‌ ده‌سه‌ڵاتی ئێمه‌ بوه‌ و ئێمه‌ش ئاگاداری ورده‌کارییه‌کانی ئه‌و بابه‌ته‌ نیین، به‌ڵام ئازادکردنی ده‌میرتاش له‌ ئانوساتدایه‌، هیچ بەربەستێک بۆ هێشتنه‌وه‌ی له‌ زینداندا نه‌ماوه‌"پارێزەرەکەی دەمیرتاش وای وت..


Copyright © 2016 Xendan.org all rights reserved

designed and developed by AVESTA GROUP