وێنە و ڤیدیۆ..شەقامەكانی تەكساس بەهۆی لافاوەوە شەقامەكان ژێرئاوكەوتن

- 9/20/2019 2:31:00 PM 3186 جار خوێندراوەتەوە

خەندان-

 چەند ناوچەیەكی ویلایەتی تەكساس، بە شێویەك یكتوپڕ روبەڕوی بارانی بەلێزمە بونەوە و لە ئەنجامدا لافاوێكی بەهێز رویكردە ناوچەكە.

دوێنێ پێنجشەممە، بە شێوەیەكی چاوەڕواننەكراو لە ویلایەتی تەكساسی سەر بە ویلایەتە یەكگرتوەكانی ئەمریكا بارانێكی بەلێزمە باری و بەوهۆیەوە شەقامەكان ژێرئاوكەوتن، بە شێوەیەك خەڵكی ناوچەكە بە بەلەم بەناو شەقامەكاندا هاتوچۆیان دەكرد.

گەردەلولی هارڤی، كە بە گەردەلولێكی وێرانكەر ناودەبرێت، دوێنێ رویكردە چەند ناوچەیەكی ویلایەتی تەكساس، ناوەندی كەشناسی ئەو ناوچەیەش دەستبەجێ ئاگاداریان بڵاوكردەوە و هۆشداریاندا سەبارەت بە دروستبونی لافاو كە مەترسی بۆ سەر ژیانی هاوڵاتیان هەیە.

لافاوەكە لە ناوچەكانی باشور و رۆژهەڵاتی ویلایەتی تەكساس رویدا و بەرپرسانی ناوچەكەش رایانگەیاندوە "نزیكەی هەزار چالاكی رزگاركردن و دەرهێنانی خەڵكیان لە ماڵەكانیان ئەنجامداوە.

دەسەڵاتداران و شارەزایانی بواری كەشناسی، هۆشداریان داوەتە دانیشتوانی ئەو شارانەی گەردەلولەكەی تێدا رویداوە، كە تا تەواوبونی لافاوەكە لە ماڵەكانیان نەچنەدەرەوە و شۆفێری ئەنجامنەدەن.

هاوكات لە هەریەك لە ناوچەكانی سارجنت و چامبەر، نزیكەی 200 كەس رەوانەی شارێكی دیكە كراون و بەرپرسی پۆلیسی ناوچەكەش لەوبارەیەوە وتی "ئەوە خراپترین دۆخی لەوجۆرەیە كە لە ژیانمدا بینیبێتم، شارەكە دەڵێیت روبارە".

 



Copyright © 2016 Xendan.org all rights reserved

designed and developed by AVESTA GROUP