سلێمانى؛ نزیکەی یەك تەن و 350 کیلۆگرام خۆراکی خراپ و ماوەبەسەرچو دەستى بەسەرداگیرا

- 9/20/2019 10:58:00 AM 3786 جار خوێندراوەتەوە

خەندان-

بەرێوەبەرایەتى چاودێرى تەندروستى سلێمانى رایگەیاند"له لایه ن لیژنەکانی چاودێری تەندروستی و بنکە تەندروستیەکانی سنوری پارێزگای سلێمانیەوە نزیکەی  یەک تۆن و 350 کیلۆگرام خۆراکی خراپ و ماوەبەسەرچو دەستی بەسەرداگیراوە".

دەستگیراوە بەسەر یەك تەن و 350 كیلۆگرام خۆراكی ماوەبەسەرچو لە گۆشت و خۆراكی جۆراوجۆردا

لە راگەیەندراوێكدا، بەڕیوەبەرایەتی چاوجێری تەندروستی سلێمانی لە هەژماری فەرمی خۆی بڵاویكردەوە، "لە ماوەی چەند رۆژی رابردودا و لە لایەن لیژنەكانی چاودێریەوە دەستگیراوە بەسەر یەك تەن و 350 كیلۆگرام خۆراكی ماوەبەسەرچو لە گۆشت و خۆراكی جۆراوجۆردا".

هەریەكێك لەو شوێنانە بە شێوەی جۆراوجۆر خۆراكەكانیان ناتەندروست یاخود ماوە بەسەرچوبوە

لەوبارەیەوە چاودێرى تەندروستى سلێمانى ئاماژەی بەوەكردوە "پرۆسەكە لە پێنج شوێنی جیاوازی سلێمانی ئەنجامدراوە كە هەریەكێك لەو شوێنانە بە شێوەی جۆراوجۆر خۆراكەكانیان ناتەندروست یاخود ماوە بەسەرچوبوە".

پرۆسەكە لە پێنج شوێنی جیاوازی سلێمانی ئەنجامدراوە

راشیگەیاندوە "لە لایەن تیمەکانی چاودێری تەندروستی نزیکەی 300 کیلۆگرام خۆراک و چەند کەلوپەلێکی خراپ و ناتەندروست دەستی بەسەرداگیراوە، لە هەمانكاتدا سەنتەری چاودێری تەندروستی ڕاپەڕین لەیەکێك نانەواخانەكاندا دەستگیرتوە بەسەر 500 کیلۆگرام ئاردی خراپ و ئەسپێیاوی".

هاوكات "لەلایەن مەڵبەندی تەندروستی کاریزەوشک لەسنوری گەڕەکی کارێزەوشک، لەچەند رۆژی رابردودا دەستگیراوە بەسەر نزیکەی 250کیلۆگرام خواردن و خواردنەوەی خراپ و ماوەبەسەرچو".

مەڵبەندی تەندروستی شەهید شەماڵ-یش لەسنوری گەرەکی ماموستایان، دەستیگرتوە بەسەر نزیکەی 150 کیلۆگرام خۆراکی خراپ و ماوەبەسەرچو و لە سنوری گەرەکی سەروەری بە هەمانشێوە نزیکەی120 کیلۆگرام خۆراکی خراپ و ماوەبەسەرچو دەستیبەسەردا گیراوە".

چاودێرى تەندروستى رونیشیكردوەتەوە، سەرجەم کەلوپەل و خۆراکە ماوەبەسەرچوەکان، لە لایەن لیژنەی تایبەتەوە بە شێوەیەکی تەندروست لەناوبراون.



Copyright © 2016 Xendan.org all rights reserved

designed and developed by AVESTA GROUP