هەواڵی ئەمڕۆ

بەپەلە

17 كێڵگەی سەوزە لەنێوان هەولێر-موسڵ لەناوبران

- 9/20/2019 9:38:00 AM 5367 جار خوێندراوەتەوە

خەندان-

بەهۆی ئەوەی بە ئاوی زێراب ئاودراون، ژمارەیەكی زۆر كێڵگەوی سەوزە لەسەر شەقامی سەرەكی نێوان هەولێر-موسڵ لابران و كەلوپەل و ئامێرەكانیش دەستیان بەسەردا گیرا.

17 كێڵگەی كشتوكاڵی سەوزە پاككرانەوە و بەرهەمەكانیان لەناوبرا

بەڕێوەبەری شارەوانی شەش-هەولێر، لە پەڕەی فەرمی خۆیدا بڵاویكردوەتەوە، "لە هەڵمەتێكدا بە هەماهەنگی لەگەڵ قائیمقامیەتی قەزای ناوەندی هەولێر-پۆلیسی شارەوانی و فەرماندەی هێزی هاوبەشی زێرەڤانی، بەشی لابردنی زێدەڕۆیی، 17 كێڵگەی كشتوكاڵی سەوزە پاككرانەوە و بەرهەمەكانیان لەناوبرا".

بەدەر لە یاسا و رێنماییەكانی تەندروستی بە ئاوی زێراب ئاودراون 

ئاماژە بەوەشكراوە "ئەو كێڵگانە بەدەر لە یاسا و رێنماییەكانی تەندروستی بە ئاوی زێراب ئاودراون و بە شێوەی زێدەڕۆیی دروستكراون"، بەو هۆیەوە لە هەڵمەتەكەدا و لە لایەن هۆبەی نەهێتنی زێدەڕۆیی شارەوانی شەش-ی هەولێر دەستگیراوە بەسەر كەلوپەلەكانی وەك ماكینەی ئاو.

لە كۆتایی بڵاوكراوەكەدا، شارەوانی شەش-ی هەولێر رایگەیاندوە "دڵنیایی دەدەنە هاوڵاتیانی شارەكە و دوپاتیدەكەنەوە كە لەم جۆرە هەڵمەتانە بەردەوام دەبن".



Copyright © 2016 Xendan.org all rights reserved

designed and developed by AVESTA GROUP