بەپەلە

ڤیدیۆ..روداوێكی تەقەكردن لە واشنتن رویدا و كوژراو و بریندار هەیە

- 9/20/2019 8:31:00 AM 3006 جار خوێندراوەتەوە

خەندان-

لە ئەنجامی روداوێكی تەقەكردن لە پایتەختی ویلایەتە یەكگرتوەكانی ئەمریكا، شەش كەس بونە قوربانی.

بەگوێرەی راگەیەندراوێكی پۆلیسی ناوچەكە، درەنگانی شەوی رابردو، لە شەقامێكی واشنتن-ی پایتەختی ویلایەتە یەكگرتوەكانی ئەمریكا روداوێكی تەقەكردن رویداوە و بەهۆیەوە شەش كەس بونەتە قوربانی.

یەكێك لەو بریندارانە بەهۆی سەختی برینەكەیەوە گیانیلەدەستداوە

ستوارت ئمەرمان، بەرپرسێكی پۆلیسی واشنتن لەمیانی لێدوانێكی رۆژنامەوانیدا لەوبارەیەوە وتی "روداوێكی تەقەكدرن رویداوە و لە ئەنجامدا شەش كەس برینداربون، كە دواتر یەكێك لەو بریندارانە بەهۆی سەختی برینەكەیەوە گیانیلەدەستداوە".

شوناس و ناسنامەی كوژراو و بریندارەكان تا ئێستا بڵاونەكراوەتەوە

ئمەرمان سەبارەت بە چۆنیەتی و هۆكاری ئەو روداوە هیچ زانیاریەكی نەخستەڕو، هاوكات شوناس و ناسنامەی كوژراو و بریندارەكانیش تا ئێستا بڵاونەكراوەتەوە.

تۆڕی هەواڵی ئەی بی سی ئەمریكی، چەند وێنە و گرتە ڤیدیۆیییكی ئەو ناوچەیەی بڵاوكردوەتەوە كە روداوەكە تێیدا رویداوە، لە گرتە ڤیدیۆییەكاندا ژمارەیەكی زۆر ئۆتۆمبێل و هێزەكانی پۆلیس و ئاسایش دەردەكەون و ئۆتۆمبێلەكانی فریاكەوتنی خێراش لەناویاندا هەیە.



Copyright © 2016 Xendan.org all rights reserved

designed and developed by AVESTA GROUP