هاتوچۆی سلێمانی بڕیارێك لەبارەی ئۆتۆمبێلە بارهەڵگرەكان دەدات

- 9/19/2019 11:50:00 PM 4658 جار خوێندراوەتەوە

خەندان-

بەڕێوەبەرایەتی هاتوچۆی پارێزگای سلێمانی هاتنە ناوەوەی ئۆتۆمبێلە بارهەڵگرەكان بۆ ناوەوەی شەقامی مەلیك مەحمود قەدەغەكرد.

بەگوێرەی راگەیەندراوێك، بەڕێوەبەرایەتی هاتوچۆی پارێزگای سلێمانی ئاگاداری شۆفێری ئەو ئوتۆمبیلانە دەکات کە ئوتؤمبێلی بارهەڵگری قەبارەی چوار تەن بەرەو سەرەوەیان پێیە لە ڕۆژی شەممەوە 21/9/2019 لە کاتژمێر 7:30 بۆ 8:30 ی بەیانی هاتنە ناوەوە بۆ شەقامی بازنەیی مەلیک محمود و سەنتەری شار قەدەغەیە، جگە لە ڕۆژانی هەینی و پشوە فەرمییەکان.

ئاماژە بەوەشكراوە، دەرکردنی ئەم بڕیارە لە لایەن هاتوچۆی سلێمانییەوە لە پێناو بەرژەوەندی گشتیدایە بەهۆی دەستپێکردنی وەرزی خوێندن و سەلامەتی گیانی هاوڵاتییان و نەهێشتنی دروستبونی لۆدی زۆر لەو کاتەی کە دیاریکراوە.


Copyright © 2016 Xendan.org all rights reserved

designed and developed by AVESTA GROUP