بەپەلە

پەیامی عادل عەبدولمەهدی لەسەر ئامانجی سەردانەكەی بۆ چین

- 9/19/2019 5:14:00 PM 1028 جار خوێندراوەتەوە

خەندان-

سەرۆكوەزیرانی عێراق لەسەر سەردانەكەی بۆ چین و كۆبونەوەی لەگەڵ بەرپرسانی گەورەی ئەو وڵاتە پەیامێكی بڵاوكردوە و تیایدا ئامانجی سەردانەكەی خستەرو.

عادل عەبدولمەهدی سەرۆكوەزیرانی عێراق رایگەیاند،"دەمانەوێت سەردانەكەمان بۆ چین ببێتە بازدانێکی گەورە لە پەیوەندیەکانی نێوانمان".

سەرۆك وەزیرانی عێراق راشیگەیاند،"لەم سەردانەمان  هەوڵدەدەین  بۆئەوەی پەیوەندیەکانمان لە چوارچێوەی هاوبەشیەکی ستراتیژی بۆ هەستانەوەی عێراق و جارێکتر بونیاتنانەوەی ژێرخانی ئابوری کۆمەڵگەیی و پێشکەوتنێکی بەرچاو بەدیبهێنین"

دەقی پەیامەكە:

بەناوی خوای گەورە و میهرەبان
گەلی بەخشندە
سڵاوی خواتان لێبێت

ئەم وشانە دەنووسم ئێمە لە ڕێگایین بەرەو وڵاتی چین لە سەردانێک کەدەمانوێت ببێتە بازدانێکی گەورە لە پەیوەندیەکانی نێوان هەردوو وڵات.

لەم سەردانە وەفدێکی باڵای بەرپرسان یاوەریم دەکەن کە چەند وەزیرێک و سەرجەم پارێزگارەکانی پارێزگاکانی عێراقن .

ئەمە نەک تەنها بۆ گرنگی چین لای عێراق و جیهان، بەڵکو چونکە عێراق ماوەیەکی زۆرە کاردەکات بۆ پێشخستی پەیوەندی ستراتیژی لەگەڵ کۆماری چین ،کە ناسراوە بەتوانا ئابووری وتەکنیکیەکەی و بەشداریە کاریگەرەکەی لە بونیاتنانیوڵاتەکەی ،و یەکەمین وڵاتە لەئاستی دانیشتوان لە جیهان ئەمە سەرەڕای بەشداری لە ئابوری و تەکنیکی جیهانی کە وایکردوە ئەمڕۆ ببێت بە ئابووری دووهەم لە جیهاندا کە لەماوەی داهاتووشدا دەچیتە پێشەنگی ڕیزبەندیەکە.

چین توانی بەشێوازێکی بێ وێنە سەرکەوتو بێت لەسەر هەژاری و دواکەوتوی و لەیەک هەڵوەشاندن کە ماوەی ڕابردوو بەدەستیەوە دەیناڵاند و نمونەی گەورەیی پێشکەش بە جیهان کرد  لەسەر توانایی پێشخستن بەخێڕایی وجێگیری و پتەوەی لە وڵاتی  ئابووری سێهەمین دوواکەوتوترین وڵاتی جیهانەوە بۆ وڵاتێک ئەمڕۆ لەپێشەنگی وڵاتانە لە ئابووری، نەک لە ڕووی سامان بەتەنها و بەڵکو لە ڕووی مڕۆڤایەتی و ڕۆشنبیری و تەندروستی و وەرزشی وهونەری و کۆمەڵایەتی وزانستی و ئەمنی یشەوە، بۆیە لەم سەردانەمان  هەوڵدەدەین  بۆئەوەی پەیوەندیەکانمان لە چوارچێوەی هاوبەشیەکی ستراتیژی بۆ هەستانەوەی عێراق و جارێکتر بونیاتنانەوەی ژێرخانی ئابووری وکۆمەڵگەیی و پێشکەوتنێکی بەرچاو بەدیبهێنێت بۆ ڕزگاربوون لەدیاردەی بێ کاری و هەژاری و نەخوێندەواری و دواکەوتووی. عێراق پەیوەندیەکانی لەگەڵ ڕۆژئاوا لە ماوەی دوو سەدەی ڕابردوو دا بەرەوپێشچو و تاوەکو ئێستاش دەخوازێت بەردەوام و بەهێزتری بکات ،هەوڵدەدات بۆ قوڵکردنەوەی پەیوەندیەکانی لە ڕۆژهەڵات و وڵاتانی ئاسیا بەحوکمی ئەو پەیوەندیە مێژوویەی هەزارها ساڵە هەیە و تاقیکردنەوە هاوشێوەکانیان لەگەڵ عێراق ڕێگەخۆشکەرە سوود لەئەزموونی دەوڵەمەندیان وەربگیرێت.
عێڕاق یەکەمین دەوڵەت بوو بەشداربوو لە دەستپێشخەری "پشتێنەو ،ڕێگا" وهەوڵدەدەین لەمپەڕی ڕۆژهەڵات بەو ئەوپەڕی ببستینەوە کەلە مێژوودا بە ڕێگای ئاوریشم ناسراوە .
ئێستا ڕێگەکەمان تێ دەپەڕێت بەسەر هند دا بۆ کاتێکی کوورت لە نیودەلهی وەستاین و گفتوگۆمان کرد لەگەڵ بەرپرسانی هند بۆ چالاکردنەوەی لیژنەی هاوبەشی  نێوان عێڕاق و هیندستان کە لەساڵی ۲۰۱۳ کۆنەبونەتەوە.

ڕێکەوتن لەسەر گرنگی سەردانی بەرپرسانی هەردو وڵات نەوتی عێڕاق لە پلەبەندی یەکەمی هاوردەی نەوتە لەلای هیندستان ،عێڕاقیش پەیوەندیەکی سیاسی و ڕۆشنبیری مێژوویی هەیە . کات ڕێگەمان نادات  بەچاوەڕوانی زۆر و لەدەست دانی هەلەکان، ئێمە پێوستمان بە بڕیاڕی دروست و خێڕا هەیە کە لەسەر باڵاترین ئاست لەگەڵ بەرپرسانی وڵاتان بیدەین  کە دەخوازین پەیوەندی بەسوود و ئاڵوگۆڕ و هاوبەشی بەردەوام یارمەتیمان دەدات لە بەرجەستەکردنی پلانەکانمان ،بەتایبەت لە بواری کشتوکاڵی و پیشەسازی و چەکداری وزانست و تەندروستی و وزە و پەیوەندیەکان و گواستنەوە و ئاو و هەموو ئەوانی پەیوەندیان بە بونیاتنانی ژێرخانی بنەڕەتی عێڕاق هەیە ،کە بنەڕەتی گەشەکردنێکن شایستەی عێڕاق و گەلەکەی بن.بۆ بەدیهێنانی ئەم ئامانجانە هەستاین بەئامادەکردنی ئەم وەفدە جێ بەجێکاریە باڵایە  بۆ گفتوگۆ و پێشخستنی پەیوەندیەکان و  دانانی نەخشەڕێگایەک، هەروەها بۆ  ئەنجامدانی کۆمەڵێک ڕێکەوتنی گرنگ بۆ گۆڕانکاری گەورە لە ئابووریمان وژێرخانمان و چالاکیە جیاوازەکانمان ،خوا پاڵپشتە.

عادل عەبدولمەهدی
سەرۆکی ئەنجوومەنی وەزیران  
١٩-ئەیلولی-٢٠١٩


Copyright © 2016 Xendan.org all rights reserved

designed and developed by AVESTA GROUP