هەواڵی ئەمڕۆ

پێشانگەی "حەسرەتی بڕیار و تابلۆ ونبوەکان" لە کەلار کرایەوە

- 9/19/2019 4:02:00 PM 1481 جار خوێندراوەتەوە

خەندان- نیگار عومەر

ئەمڕۆ لە بەڕێوەبەرایەتی رۆشنبیری و هونەری گەرمیان بە ئامادەبونی کەسوکاری بڕیاری شەهید ئاسۆ، پێشانگەیەکی شێوەکاری بۆ هونەرمەندانی شێوەکار کرایەوە.


عەلی تازەدێی، سەرپەشتیاری پێشانگەکە بەخەندان-ی راگەیاند، "ئێمە وەک بەڕێوەبەرایەتی  ڕۆشنبیری هونەری گەرمیان پێمانباش بو پێشانگەیەکی شێوەکاری بۆ هونەرمەندانی شێوەکار لە گەرمیان بکەینەوە، ناوی پێشانگەکەش وەک وەفایەک بۆ بڕیار کوڕی شەهید ئاسۆ، بەناوی ئەوەوە بێت".  

ئاماژەی بەوەشکرد، "ویستمان خەمێک لە دڵی ئەو خانەوادەیەدا کەمبکەینەوە له پێشانگەکەدا وێنەی تاڵاییەکان و شیریینەکانی گەرمیان پیشان بدەین".

هاوکات نەوشیروان جلال، برای شەهید ئاسۆ و مامی بڕیار بەخەندان-ی وت، "ئەم کارانە خەمی ئێمە کەم دەکاتەوە، بەوەی ڕاستە ئێمە قوربانیمان بەخشی بە کوردستان و خەڵکی کوردستان، بەڵام ئەم کارانە پیشانی دەدات کە شەهیدەکانمان تەنها هی ئێمە نین".



Copyright © 2016 Xendan.org all rights reserved

designed and developed by AVESTA GROUP