هەواڵی ئەمڕۆ

نرخی نەوتی خاو جارێکی دیکە بەرزبونەوەی بەخۆوەبینی

- 9/19/2019 10:31:00 AM 2631 جار خوێندراوەتەوە

خەندان-  

بەهۆی دڵنیاییدانی سعودیە لەبارەی دوبارە بەرزکردنەوەی رێژەی بەرهەمهێنانی نەوتی وڵاتەکەی بۆ هەمان رێژەی پێشو، دوێنێ نرخی نەوت بەڕێژەیەکی بەرچاو دابەزینی بەخۆوەبینی، ئەوەش بوەهۆی دوبارە بەگەڕخستنەوەی جموجۆڵەکانی بازاڕ و بەرزکردنەوی نرخی نەوتی خاو بۆجارێکی دیکە.

بەپێی هەواڵێکی BBC، ئەمڕۆ پێنجشەممە دوای ئەوەی لە دو رۆژی رابردودا وەزیری وزەی سعودیە دڵنیاییدا لەوەی بەرهەمی نەوتی هەناردەکراو دەگەیەنێتەوە ئاستی پێشوی، نرخی نەوتی خاو جارێکی لە بازاڕەکانی جیهان بەرزبونەوەی بەخۆوەبینی، هۆکارەکەشی دەگەڕێتەوە بۆ جێگیربونەوەی ئەو نائارامیەی کە لەبازارەکاندا هەبو بەهۆی هێرشەکەی سەرەتای هەفتە بۆ سەر دامەزراوە نەوتیەکانی سعودیە.

ئەمڕۆ پێنجشەممە نرخی نەوتی خاوی برێنت 24 سەنت بەرزبوەتەوە لە دوایین مامەڵەدا بە 63.68 دۆلار مامەڵەی پێوەکراوە، واتا بەڕێژەی %0.38 زیادیکردوە.  
 
لەهەمانکاتیشدا نرخی نەوتی خاوی تەکساسی ئەمریکا 10 سەنت بەزبوەتەوە و بە 58.21 دۆلار مامەڵەی پێکراوە، واتا بەرێژەی 0.17%  بەرزبونەوەی بەخۆوەبینیوە.

بەهۆی هێرشی چەند فڕۆکەیەکی بێ فڕۆکەکانەوە کە بۆ سەر دو کیڵگەی نەوتی سەر بە کۆمپانیاکانی ئارامکۆ ئەنجامدرا، نرخی نەوت بە ڕێژەیەکی زۆر بەرزبوەوە بە جۆرێک رۆژی دوشەممە بەرزترین رێژەی تۆمارکرد کە لەساڵی 1991ەوە نەگەیشتوەتە ئەو ئاستە.

نیشانەکردن :

# نەوت

Copyright © 2016 Xendan.org all rights reserved

designed and developed by AVESTA GROUP