بەپەلە

نرخی نەوتی خاو جارێکی دیکە دابەزینی بەخۆوەبینی

- 9/18/2019 10:29:00 AM 1472 جار خوێندراوەتەوە

خەندان-    

دوای ئەوەی وەزیری وزەی سعودیە دڵنیاییدا لەوەی بەرهەمی نەوتی هەناردەکراو دەگەیەنێتەوە ئاستی پێشوی، نرخی نەوتی خاو جارێکی لە بازاڕەکانی جیهان دابەزینی بەخۆوەبینی.

بەپێی هەواڵێکی BBC، ئەمڕۆ چوارشەممە نرخی نەوتی خاوی برێنت سێ سەنت دابەزیوە لە دوایین مامەڵەدا بە 64.52 دۆلار مامەڵەی پێوەکراوە، واتا بەڕێژەی %0.5 دابەزیوە.  
 
لەهەمانکاتیشدا نرخی نەوتی خاوی تەکساسی ئەمریکا 32 سەنت دابەزیوە و بە 59.2 دۆلار مامەڵەی پێکراوە، واتا بەرێژەی 0.54%  دابەزینی بەخۆوەبینیوە.

بەهۆی گرژیی و ئاڵۆزیەکانی ئەم دوایانەی وڵاتی سعودیە، کە بەهۆی هێرشی چەند فڕۆکەیەکی بێ فڕۆکەکانەوە بۆ سەر دو کیڵگەی نەوتی سەر بە کۆمپانیاکانی ئارامکۆ ئەنجامدرا، نرخی نەوت بە ڕێژەیەکی زۆر بەرزبوەوە بە جۆرێک رۆژی دوشەممە بەرزترین رێژەی تۆمارکرد کە لەساڵی 1991 ەوە نەگەیشتوەتە ئەو ئاستە.

نیشانەکردن :

# نەوت

Copyright © 2016 Xendan.org all rights reserved

designed and developed by AVESTA GROUP