بەپەلە

CNN: ئەگەرێکی گەورە هەیە هێرشی کێڵگە نەوتیەکانی سعودیە لەبنکەیەکی ئێران نزیک عێراق ئەنجامدرابێت

- 9/17/2019 9:32:00 PM 2216 جار خوێندراوەتەوە

خەندان -   

لێکۆڵەرەوە ئەمریکی و سعودیەکان گەشتونەتە دەرئەنجامێک، کە هێرشەکەی سەر کێلگە نەوتیەکانی سعویە لەبنکەیەکی ئێرانیەوە لەنزیک عێراق ئەنجامدراوە.

بەپێی هەواڵێکی CNN، ئەمڕۆ سێشەممە سەرچاوەیەکی لێکۆڵینەوە لەلایەن ئەمریکا و سعودیە رایانگەیاندوە، هێرشەکەی سەر کێڵگە نەوتیەکانی سعودیە لەبنکەیەکی سەربازی ئێرانەوە لەنزیک عێراق ئەنجامدراوە.
هەندێک لە موشەکەکان نەیانتوانیوە ئامانجەکەیان بپێکن و لەبیابان کەوتونەتە خوارەوە

 

سەرچاوەی لێکۆڵینەوەکە ئاماژەی بەوەکرد، بۆ شاردنەوی سەرچاوەی هێرشی موشەکەکان لە سەرەتادا بەسەر خاکی عێراقدا رۆشتون و لەپاشاندا پێچیانکردوەتەوە بۆ سەر خاکی کوەیت و گەشتونەتە سەر پاڵاوگەکانی نەوت لە سعویە و پێکاویانە.

سەرچاوەکە ئەوەشی راگەیاند،"هەندێک لە موشەکەکان نەیانتوانیوە ئامانجەکەیان بپێکن و لەبیابان کەوتونەتە خوارەوە، وتیشی،"هیچ نیشانەیەکیان دەست نەکەوتوە، کە ئاماژە بەوەبکات کە موشەکەکان لە باشوری سعودیە،" یەمەن " وە هاتبن.

پێشتر میلیشییا حوسیەکانی یەمەن بەرپرسیارێتی خۆییان لە هێرشەکەی سەر دو کێڵگە نەوتیەکەی سعودیە راگەیاند، بەڵام لێکۆڵینەوەکان ئاماژە بەوە دەکەن هێرشەکە لە خاکی یەمەنەوە ئەنجام نەدراوە.

هەمان سەرچاوە کە تۆری CNN گواستبویەوە وتی، هێرشەکە بە موشەکی کرۆز لە بەرزیەکی کەمدا، بەهۆی فڕۆکەی بێ فڕۆکەوانەوە ئەنجامدراوە، کێڵگە نەوتیەکانی سعودیەی کردوە تە ئامانج.

لەچەند ویلایەتە یەکگرتوەکانی ئەمریكا، ئێرانی تۆمەتبارکرد بەوەی دەستی هەیە لە هێرشەکەی سەر کێڵگە نەوتیەکانی ئارامکۆ لە سعودیە، ئێرانیش لای خۆیەوە ئەم تۆمەتەی رەتکردەوە.



Copyright © 2016 Xendan.org all rights reserved

designed and developed by AVESTA GROUP