بەپەلە

نرخی نەوتی خاو لە بازاڕەکانی جیهان دابەزینی بەخۆوە بینی

- 9/17/2019 10:04:00 AM 1775 جار خوێندراوەتەوە

خەندان-  

نرخی نەوتی خاو لە بازاڕەکاندا دوێنێ بەرێژەیەکی زۆر بەرزبوەوە، بە جۆرێک وایکرد ویلایەتە یەکگرتوەکانی ئەمریکا ئاماژە بە ئەگەری خستنە بازاڕی نەوتی یەدەگ بکات، کە عەمباریان کردون، ئەوەش بوە هۆکارێک بۆ نزمبونەوەی نەوتی خاو لەبازاڕەکانی جیهاندا.

لەگەڵ ئەوانەشدا نرخی نەوتی خاو هێشتا بەبەرزی ماوەتەوە، هۆکارەکەی دەگەڕێتەوە بۆ ئەو هێرشانەی کە رۆژی شەممەی رابردو کرایەسەر دو کارگەی ئارامكۆ لە سعودیە.

بەپێی هەواڵێکی رۆیتەرز، ئەمڕۆ سێشەممە نرخی نەوتی خاوی برێنت بەڕێژەی %0.96 دابەزیوە، لە دوایین مامەڵەدا بە 68.39 دۆلار مامەڵەی پێوەکراوە، لەکاتێکدا رۆژی رابردو بەرێژەی %14.6 بەزبوەوە کە بە بەرزترین رێژەی سەدی دادەنرێت لە ساڵی 1988ەوە.
 
لە هەمانکاتیشدا نرخی نەوتی خاوی تەکساسی ئەمریکا بەرێژەی 1.29% نزمبوەتەوە،  بە 62.39 دۆلار مامەڵەی پێکراوە، لەکاتێکدا رۆژی رابردو بەڕێژەی %14.7 بەرزبوەوە کە ئەوەش بەرزترین رێژەی بەرزبونەوەی نەوت بو کە لەماوەی رۆژێکدا رویدابێت لە دیسەمبەری 2008 ەوە.

نیشانەکردن :

# نەوت

Copyright © 2016 Xendan.org all rights reserved

designed and developed by AVESTA GROUP