بەپەلە

قائیمقامى چەمچەماڵ چەند داواکاریەک ئاراستەی وەزیرى ئاوەدانکردنەوە دەکات

- 9/16/2019 11:44:00 PM 1345 جار خوێندراوەتەوە

خەندان-

بۆ باسکردنى کێشەى رێگاکانی ناحیەی ئاغجەلەر و رێگاکانی دیکەی دەرەوەی چەمچەماڵ، قائیمقامی چەمچەماڵ سەردانی وەزارەتی ئاوەدانکردنەوەی کرد و چەند داواكارییەكی بۆ چارەسەری بەشێك لە گرفتەكانی ناوچەكە پێشكەشكرد.

قائیمقامیەتى چەمچەماڵ رایگەیاند، ئەمرۆ دوشەممە 16/9/2019 رەمک رەمەزان، قائیمقامى چەمچەماڵ سەردانى دانا عەبدولکریم، وەزیرى ئاوەدانکردنەوە و نیشتەجێکردنى کردوە و چەند داواکاریەکى گەیاندوەتە وەزیرى ئاوەدانکردنەوە.
پەلە بکرێت لە چاککردنەوەی ڕێگا سەرەکی و لاوەکیەکانی سنوری چەمچەماڵ و ناحیەکانی بەتایبەت ڕێگاکانی ناحیەی ئاغجەلەر

 

قائیمقامى چەمچەماڵ داوایكردوە بەهۆی نزیکبونەوەی وەرزی بارانبارین پەلە بکرێت لە چاککردنەوەی ڕێگا سەرەکی و لاوەکیەکانی سنوری چەمچەماڵ و ناحیەکانی بەتایبەت ڕێگاکانی ناحیەی ئاغجەلەر .

رەمك رەمەزان داواشیكردوە ئامێر دابینبكرێت و شۆفێر بۆ ئامێرەکانی تایبەت بە فەرمانگەی ئاوەدانکردنەوە دابمەزرێنرێت. هەروەها بینا بۆ فەرمانگەی چاکسازی و پاراستنی رێگاوبانی چەمچەماڵ دروستبكرێت.

لەبەشێكی دیكەی ئەو داواكاریانەدا، قائیمقامی چەمچەماڵ داواکروە فەرمانگەی چاکسازی ڕێگاوبانی چەمچەماڵ بکرێت بە بەڕێوەبەرایەتی بۆ ئەوەی دەسەڵاتی خزمەتکردنی سنورەکەی زیاتر بێت .



Copyright © 2016 Xendan.org all rights reserved

designed and developed by AVESTA GROUP