واشنتن: بەگوێرەی زانیاریە هەواڵگیریەکان هێرشەکەی سعودیە لەلایەن ئێرانەوە ئەنجامدراوە

- 9/16/2019 1:14:00 PM 2236 جار خوێندراوەتەوە

خەندان-

واشنتۆن وێنەیەکی ئاسمانی بڵاودەکاتەوە کە بە مانگی دەستکرد گیراوە، تیایدادوکەڵی پاڵواگەکانی نەوتی بەقیق و خەریس لە سعودیە نیشاندەدات، کە لەلایەن چەند فڕۆکەیەکی بێ فڕۆکەوانەوە هێرشیانکرایە سەر.

بەپیی هەواڵێکی BBC، ئەمڕۆ دوشەمە ویلایەتە یکگرتوەکانی ئەمریکا وێنەیەکیان بڵاوکردەوە کە لەلایەن مانگە دەستکردەکانی سەر بە دەزگا هەواڵگیریەکانی ئەمریکاوە وینەکە گیراوە، بۆ پاڵپشتی لەو بانگەشانەی  کە ئیران بە ئەنجامدەری هێرشەکەی سەر کێلگە نەوتئیەکانی سعودیە لە قەڵەمدەدات.
Image
ئیران ئەو تۆمەتەی رەتکردەوە، کە دەستی هەبێت لە هێرشەکاندا، چەکدارانی حوسیەکان لە یەمەن بەرپرسیارێتی خۆیان لەوکارە راگەیاند.

هەندێک لە دەسەڵاتدارانی ئەمریکا کە نەیانویست ناویان ئاشکرا بکرێت ، بە دەزگا هەواڵگیریە ئەمریکیەکانیان راگەیاند، ئاراستەو مەودای هێرشەکان ئەوە دەردەخەن "گومان ناکرێت حوسیەکان دەستیان لەمکارەدا هەبێت"

هەر ئەمرۆ، دۆنالد ترەمپ، سەرۆکی ویلایەتە یەکگرتوەکانی رایگەیاند، ئەوان دەزانن کێ لە پشت هێرشەکانی سەر کێڵگە نەوتیەکەی سعودیەوەیە، بەڵام هیچ زانیاریەکی راستەوخۆی لەو بارەیەوە نەخستەرو.

بەهۆی ئەو هێرشەوە کە لەڵایەن فڕۆکەیەکی بێ فڕۆکەوانەوە کرایە سەر دو کێلگەی نەوتی سەربە کۆمپانیاکانی ئارامکۆ لە سعودیە، رێژەی بەرهەمهێنانی نەوتی خاوی جیهانی بەڕێژەی %5 کەمیکرد، ئەمەش هۆکارێک بو بۆ بەرزبونەوەی نرخی نەوت لەبازارەکانی جیهاندا.



Copyright © 2016 Xendan.org all rights reserved

designed and developed by AVESTA GROUP