ئەردۆغان: پرسی کڕینی سیستمی پاتریۆتی ئەمریکی لەگەڵ ترەمپ تاوتوێ دەکەین

- 9/14/2019 1:01:00 PM 1032 جار خوێندراوەتەوە


خەندان-
رەجەب تەیب ئەردۆغانی سەرۆکی تورکیا رایگەیاند ئەم مانگە لەگەڵ دۆناڵد ترەمپی سەرۆکی ئەمریکا کۆدەبێتەوە و پرسی کڕینی سیستمی بەرگری پاتریۆتی ئەمریکی لەگەڵ تاوتوێدەکات. 

بەپێی هەواڵێکی میدڵ ئیست، ئەمڕۆ شەممە رەجەب تەیب ئەردۆغانی سەرۆکی تورکیا رایگەیاند ئەم مانگە لەگەڵ دۆناڵد ترەمپی سەرۆکی ئەمریکا کۆدەبێتەوە و پرسی کڕینی سیستمی بەرگری پاتریۆتی ئەمریکی لەگەڵ تاوتوێدەکات. 
پەیوەندییە تایبەتییەکانی لەگەڵ ترەمپ هاوکاردەبێت بۆ تێپەڕاندنی ئەو ناکۆکییەی ئێستا

ئەردۆغان راشیگەیاندوە پەیوەندییە تایبەتییەکانی لەگەڵ دۆناڵد ترەمپی سەرۆکی ئەمریکا هاوکاردەبێت بۆ تێپەڕاندنی ئەو ناکۆکییەی ئێستا بەهۆی کڕینی سیستمی بەرگری موشەکی لەروسیا لەنێوانیاندا دروستبوە.

لەماوەی دو ساڵی رابردودا بەهۆی کڕینی سیستمی بەرگری موشەکی (S-400) لەروسیا، گرژی و ئاڵۆزی زۆر کەوتە پەیوەندییەکانی نێوان ئەمریکا وتورکیا، لەدواین لێدوانیشدا بەرپرسێکی باڵای واشنتن جەختی لەسەر ئەوە کردەوە کە ترەمپ سزای تورکیا دەدات و لەئێستاشدا تاوتوێی چۆنیەتی سزاکە دەکات. 
پرسی کڕینی سیستمی بەرگری موشەکی پاتریۆتی ئەمریکی لەگەڵ ترەمپ تاوتوێکردوە

لەوبارەیەوە ئەردۆغان بەرۆیتەرزی راگەیاندوە، دو هەفتە بەرلەئێستا لەپەیوەندییەکی تەلەفۆنیدا پرسی کڕینی سیستمی بەرگری موشەکی پاتریۆتی ئەمریکی لەگەڵ ترەمپ تاوتوێکردوە و بەنیازە لەکۆبونەوەی ئەنجومەنی گشتی نەتەوە یەکگرتوەکانیشدا هەمان پرسی لەگەڵ باسبکاتەوە. 

وتیشی، " بەدۆناڵد ترەمپی سەرۆکی ئەمریکام راگەیاندوە، گوێ بەوە مەدە کە سیستمی بەرگریمان لەروسیا کڕیوە، ئێمە ژمارەیەک سیستمی موشەکی پاتریۆت لەئەمریکا دەکڕین."

نیشانەکردن :

#تورکیا

Copyright © 2016 Xendan.org all rights reserved

designed and developed by AVESTA GROUP