بەپەلە

تورکیا فەرمانی دەستگیرکردن بۆ 223 کەس لەیەکەی سەربازی وڵاتەکەی دەردەکات

- 9/14/2019 11:33:00 AM 2150 جار خوێندراوەتەوە


خەندان-
بەتۆمەتی بونی پەیوەندی لەگەڵ گروپی فەتحوڵا گولەن، حکومەتەکەی ئاک پارتی فەرمانی دەستگیرکردنی بۆ 223 بەرپرسی سەربازی دەرکردوە.

بەپێی هەواڵێکی ئەلعەرەبییە، تەلەفزیۆنی فەرمی تورکیا بڵاویکردەوە حکومەت فەرمانی دەستگیرکردنی بۆ 223 بەرپرسی سەربازی دەرکردوە کە پەیوەندییە لەگەڵ گروپی فەتحوڵا گولەن هەبوە و تۆمەتبارکراون بەئەنجامدانی کودەتاکەی 2016 ی ئەو وڵاتە.

بەگوێرەی زانیارییەکانی ( تی ئار تی) تورکی، حکومەت لە 49 پارێزگای ئەو وڵاتە بەدوای تۆمەتبارانی هەوڵی کودەتاکەی 2016 دا دەگەڕێت و روبەروی سزای قورسیان دەکاتەوە.
100 کەسیان لەهێزەکانی سوپای ئەو وڵاتەیە و 41 کەسیشیان سەربەهیزی ئاسمانی ئەو وڵاتەن و 32ی دیکەش سەربەهێزی دەریاوانی تورکیان

ئەوەش پشتڕاستکراوەتەوە کە لەو کەسانەی دەستگیرکراون 100 کەسیان لەهێزەکانی سوپای ئەو وڵاتەیە و 41 کەسیشیان سەربەهیزی ئاسمانی ئەو وڵاتەن و 32ی دیکەش سەربەهێزی دەریاوانی تورکیان.

حکومەتی ئاک پارتی گروپی فەتحوڵا گولەن بەئەنجامدەری هەوڵی کودەتاکەی 2016 تۆمەتباردەکەن و لەماوەی سێ ساڵی رابردودا 77 هەزار کەس دەستگیرکراون و نزیکەی 150 هەزار کەسیش لەکارەکانیان دورخراونەتەوە یان هەڵپەسێردراون. 

نیشانەکردن :

#تورکیا

Copyright © 2016 Xendan.org all rights reserved

designed and developed by AVESTA GROUP