وێنە.. پزیشكێك بۆ یەكەمجار وێنەی خاپوركاریەكەی پاش روداوی 11ی سێپتەمبەر بڵاودەكاتەوە

- 9/13/2019 3:25:00 PM 21114 جار خوێندراوەتەوە

خەندان-

پزیشكێك، كە رایگەیاندوە، پاش روداوەكەی 11ی سێپتەمبەر و روخانی دو تاوەرە بازرگانیەكەی نیویۆرك لە ویلایەتە یەكگرتوەكان یەكەم كەس بوە چوەتە شوێنی روداوەكە و دیمەنەكانی تۆماركردوە.

دكتۆر ئێمیڵ چینن، سەبارەت بە رۆژی 11ی سێپتەمبەری ساڵی 2001 دەڵێت "ئەو رۆژە لە نیویۆرك پیاسەم بە سەگەكانم دەكرد، كاتێك بینیم هەردو تاوەری ناوەندی بازرگانی جیهان ئاگریان لێبەرزدەبێتەوە"، بەوهۆیەوە دەستبەجێ بەرەو شوێنی روداوەكە رۆشتوە تا هۆكاری ئاگر و دوكەڵەكە بزانێت.

ئێمیڵ لە درێژەی گێڕانەوەی روداوەكانی ئەو رۆژەدا و هاوپێچ لەگەڵ وێنەكانیدا نوسویەتی "دەستبەجێ وەكو پزیشكێك هەوڵمدا بەناو دوكەڵ و تەپوتۆزێكی زۆر چڕدا بگەمە باڵەخانەكان، خەڵكی دیكەشم دەبینی كە هاوشێوەی من بەرەو پێگەی روداوەكە و بە مەبەستی هاوكاریكردن دەهاتن".

"پاش هەوڵێكی زۆر بەناو دوكەڵ و تەپوتۆزەكەدا گەیشتینە شوێنی تاوەرە بازرگانیەكان، بەڵام ئەوەی بینیمان تەنها پاشماوەی سێ نهۆمی ئەو باڵەخانە بەرزانە بو، ئێمەش دەستبەجێ لەگەڵ چەند پزیشكێكی دیكەدا كە لەو پێگەیە ئامادەبوین هەوڵماندا فریاگوزاری سەرەتایی بۆ بریندارانی روداوەكە ئەنجامبدەین".

راشیگەیاندوە "بەهۆی ئەوەی وێنەكان لە رێگەی كامێرایەكەی كۆنەوە چركێندراون، كاتێكیە زۆری ویستوە تا ئامادەیان بكات و بڵاویان بكاتەوە.

رێكەوتی 11ی سێپتەمبەری 2001، لە رێگەی رفاندنی چوار فڕۆكەی ئەمریكیەوە، هێرشكرایە سەر چوار ناوچەی هەستیاری ویلایەتە یەكگرتوەكانی ئەمریكا و بەهۆیەوە نزیكەی سێ هەزار كەس كە پێكهاتبون لە سەرجەم چین و تویژەكان و هەڵگری رەگەزنامەی چەندین وڵات بون گیانیانلەدەستدا.

  


نیشانەکردن :

#جۆراوجۆر

Copyright © 2016 Xendan.org all rights reserved

designed and developed by AVESTA GROUP