لەپێناو قەرز و مۆبایلێكدا دو منداڵەكەی فرۆشت

- 9/12/2019 10:54:00 PM 12329 جار خوێندراوەتەوە

خەندان-

لە وڵاتی چین، ژنێك بە تۆمەتی فرۆشتنی دو منداڵەكەی لەپێناو دانەوەی قەرز و كرینی مۆبایلێكی نوێدا دەستگیركرا.

دەنگۆیەكی گەورە و بەرفراوانی لە وڵاتەكەدا دروستكردوە

راگەیاندنەكانی وڵاتی چین بڵاویانكردەوە، پۆلیسی ئەو وڵاتە ژنێكی دەستگیركردوە، كە لەپێنا و دانەوەی قەرزە كەڵەكەبوەكانی و كڕینی مۆبایلێكی نوێ دو منداڵەكەی فرۆشتوە، ئەو هەواڵەش دەنگۆیەكی گەورە و بەرفراوانی لە وڵاتەكەدا دروستكردوە.

بە بڕی نۆ هەزار و 100 دۆلار هەردو منداڵەكەی فرۆشتوە

ئەو ژنە كە ناوی ما-یە، بە بڕی نۆ هەزار و 100 دۆلار هەردو منداڵەكەی فرۆشتوە، ئاماژەی بەوەشكردوە دایك و باوكی رازینەبون پێش ئەوەی هاوسەرگیری ئەنجامبدات ببێتە خاوەنی منداڵ.

لە وەڵامی پرسیارەكانی پۆلیسیشدا ئەو ژنە چینیە وتویەتی "هیچ بڕە پارەیەكم بەدەستەوە نەمابو، بۆیە بڕیارمدا هەردو جگەرگۆشەكەم بفرۆشم و مۆبایلێكی نوی بكڕم"، هاوكات پۆلیسی چین رونینەكردوەتەوە ئەو دایكە چۆن توانیویەتی كڕیار بۆ دو جگەرگۆشە دوانەكەی بدۆزێتەوە، بەڵام رایگەیاندوە لەكاتی لێپێچینەوە لە تاوانێكی هاوشێوەدا ئەو كارەیان ئاشكراكردوە.

باوكی منداڵەكان داوای بەشەپارەكەی خۆی كردوە

ئە دو منداڵە دوانەیە، بە جیا بە دو خێزان لە هەرێمی ئانهوی فرۆشراون، یەكێكیان لە شاری فویانگ و ئەوی دیكەیان لە ناوچەی سوزهو، ئەوەی جێگەی سەرنجە، باوكی دو منداڵەكە ئاگادارنەبوە لە فرۆشتنی منداڵەكانی لە لایەن دایكی منداڵەكانیەوە، بەڵام لەكاتێكدا دركی بەو كارە كردوە داوای بەشە پارەی خۆی لە "ما" كردوە.

لەگەڵ باوكی منداڵەكانیدا پارەكەی بەشكردوە

دایكی دو منداڵەكەش رونیكردوەتەوە، ئەو بڕە پاریەی لە بەرامبەر فرۆشتنی دوانەكەیدا وەریگرتوە، لەگەڵ باوكی منداڵەكانیدا دابەشی كردوە، دواتریش هەردوكیان رایانگەیاندوە "پێش ئەوەی دەستگیربكرێن سەرجەم ئەو پارەیەیان خەرجكردوە".

لە ئێستادا وا چاوەڕواندەكرێت ئەو دایك و باوكە بە مەبەستی لێپێچینەوە لەگەڵیاندا، بچنە بەردەم دادوەر و تەواوی لایەنە پەیوەندیدارەكانیش پێشبینی دەكەن بە تۆمەتی بازرگانیكردن بە مرۆڤەوە دادوەر سزایەكی توندیان بدات.


نیشانەکردن :

#جۆراوجۆر

Copyright © 2016 Xendan.org all rights reserved

designed and developed by AVESTA GROUP