بەپەلە

ڤیدیۆ..ملیۆنان كەس بینەری ڤیدیۆیەكەیانن
دوای دورۆژ دابڕان دو منداڵی دوساڵە بەتاسەوە یەكتر لە ئامێزدەگرن

- 9/12/2019 9:39:00 PM 22903 جار خوێندراوەتەوە

خەندان-

لە شاری نیویۆرك-ی ویلایەتە یەكگرتوەكان، پاش ئەوەی بۆ ماوەی دو رۆژ یەكدیان نەبینیوە دو منداڵی دو ساڵان بە تاسەوە بەرەو روی یەكدی رادەكەن و یەكتری لەئامێزدەگرن.

گرتەی ڤیدیۆیی یەكدی لەئامێزگرتنەكەیان ملیۆنان بینەری هەبوە

ماكسوێڵ و فیننێگن، ئەو دو هاوڕێیەی گرتەی ڤیدیۆیی یەكدی لەئامێزگرتنەكەیان ملیۆنان بینەری هەبوە، تەمەنیان دو ساڵە و پاش ئەوەی بۆ ماوەی دو رۆژ یەكتریان نەبینیوە، لە شەقامیكی شاری نیویۆرك بە تاسەوە باوەش بۆ یەكدی دەكەنەوە و بەرەوڕوی یەكتر رادەكەن تا دەگەن بە یەك و یەكتر لەئامێزدەگرن.

 

مایكڵ سیسنێرۆس، باوكی ماكسوێڵ كە لە تۆڕی كۆمەڵایەتی فەیسبوك گرتە ڤیدیۆییەكەی تۆماركردوە نوسیویەتی "ئەمڕۆ پێنجشەممەیە، ئەم دوانە لە سێشەممەوە یەكدییان نەبینیوە، ژمارەیەكی زۆر هەستی جوانی تێدایە، زۆر سوپاسگوزارم".

هەمیشە پرسیار لەبارەی یەكدییەوە دەكەن

لەمیانی لێدوانێكی رۆژنامەوانیشدا مایكڵ رایگەیاندوە "هەركاتێك ئەو دو هاوڕێیە لێك دوربن هەمیشە پرسیار لەبارەی یەكدییەوە دەكەن، ئەوان پێكەوە دەچن بۆ وانەی میوزیك و زۆریان پێخۆشە سەمابكەن، هەردوكیان سەماكەرێكی زۆرباشن".

نیوەی تەمەنیان پێكەوە بەسەربردوە

ئاماژەی بەوەشكردوە، ماكسوێڵ و فیننێگن ماوەی ساڵێكە هاوڕێن، كە وا دەردەكەوێت ماوەیەكی زۆر نەبێت، بەڵام ئەو ماوەیە نیوەی تەمەنی منداڵەكانە، بۆیە بەوشێوەیە پەرۆشن بۆ یەكتری.

ڤیدیۆكەی ماكسوێڵ و فیننێگن لە ماوەیەكی كەمدا ژمارەیەكی زۆر بینەری لەخۆی كۆكردەوە و زۆرینەی كاردانەوەكانیش باس لەوەدەكەن، دەكرێت لەرێگەی بینینی هەڵوێستی ئەو دو منداڵەوە گەورەكان دەتوانن زۆر شتی جوان فێربن.

 


نیشانەکردن :

#جۆراوجۆر

Copyright © 2016 Xendan.org all rights reserved

designed and developed by AVESTA GROUP