زریانەکەی فلۆریدا هەزاران کەس بێسەروشوێن دەكات

- 9/12/2019 6:38:00 PM 1878 جار خوێندراوەتەوە

خەندان -    

دەسەڵاتدارانی دورگەی بەهاما رایانگەیاند، هەتا ئێستا 2500 کەس لە دورگەی بەهاما بیسەروشوێنن.
تا ئێستا ژمارەی بیسەروشوێنان لە دورگەی بەهاما گەشتوەتە 2500 کەس

 

بەپیی هەواڵێکی سی ئێن ئێن, ئەمڕۆ پێنج شەممە دەسەڵاتدارانی دورگەی بەهاما رایانگەیاندوە، هەتا ئێستا ژمارەی بیسەروشوێنان لە دورگەی بەهاما گەشتوەتە 2500 کەس.

رۆژی چوارشەممەی رابردو، هۆبەرت مینیس سەرۆک وەزیرانی بەهاما, لە میانەی لێدوانێکی تەلەفزیۆنیدا رایگەیاند" هێشتا ژمارەی ئەو کەسانەی کە بەهۆی زریانەکەوە گیانیان لەدەستداوە 50 کەسە، بەڵام ژمارەیەکی ئێجگار لە دانیشتوانی دورگەکە بێسەروشوێنن، ئەمەش مانای ئەوە دەگەیەنێت رێژەی گیانلەدەستدانەکان زیاد دەکات لەداهاتودا.

مینیس لە درێژەی لێدوانەکەیدا وتی، هەرکاتێک  حکومەت زانیاری نوێی بەردەستکەوت لەبارەی قوربانیەکانەوە,  بەڕونی دەیانخاتەڕو.

هاوکات بەرپرسی فریاگوزاری خێرای بەهاما رایگەیاند " لیستی بێسەروشوێنان هێشتا ژمارەی ئەوکەسانەی نەخراوەتەسەر کە دورگەکەیان جێهێشتوە ".

زریانەکەی فلۆریدا بە یەکێک لە هەرە زریانە بەهێزەکانی ئەمریکا کە لە زەریای ئەتڵەسیەوە هەڵیکردۆتە سەر فلۆریدا دادەنرێت، لە قۆناغی پێنجدا رویکردە دورگەی بەهاما و خێرایی زریانەکە 298 کیلۆمەتر بو لە کاتژمێرێکدا، بوەهۆی کاولکاریەکی زۆر لە ناوچەکەدا.



Copyright © 2016 Xendan.org all rights reserved

designed and developed by AVESTA GROUP