سوپای تورکیا چوە ناو ئیدلیبی سوریا

- 9/12/2019 2:02:00 PM 1240 جار خوێندراوەتەوە

خەندان-
نیوەڕۆی ئەمڕۆ هێزێکی سەربە سوپای تورکیا چوە ناوچەکانی بەشی باشوری رۆژهەڵاتی ئیدلیب و شاری مەرعەت نوعمان. 

بەپێی هەواڵێکی ئەلعەرەبییە، نیوەڕۆی ئەمڕۆ پێنجشەممە روانگەی سوری بۆ مافەکانی مرۆڤ بڵاویکردەوە کە هێزێکی سەربە سوپای تورکیا چوەتە ناوچەکانی بەشی باشوری رۆژهەڵاتی ئیدلیب و شاری مەرعەت نوعمان. 
هێزەکەی سوپای تورکیا زیاتر لە 30 ئۆتۆمبێلی سەربازی بوە

بەگوێرەی راگەیەنراوێکی روانگەی سوری هێزەکەی سوپای تورکیا زیاتر لە 30 ئۆتۆمبێلی سەربازی بوە و لەبنکەیەکی سەربازی بەشی باشوری رۆژهەڵاتی ئیدلیب جێگیربوە.

ماوەی زیاتر لەدو ساڵە سوپای تورکیا، بەبیانوی روبەروبونەوەی هێزە کوردییەکان و نەهێشتنی هەڕەشە لەسەر سنورەکانی، دواین هێڵی سنورەکانی سوریای بەزاندوە و لەناو شارەکاندا شەڕی گروپە یاخییەکانی ئەو وڵاتە و بەتایبەتیش یەپەگە دەکات. 

نیشانەکردن :

#تورکیا

Copyright © 2016 Xendan.org all rights reserved

designed and developed by AVESTA GROUP